അബുദാബി: മകളെ കാണാന്‍ മുന്‍ ഭര്‍ത്താവിന് അവസരം നിഷേധിച്ച യുവതിയ്ക്ക് പിഴയിട്ട് അബുദാബി കോടതി. 13,000 ദിര്‍ഹം (2.6 ലക്ഷം ഇന്ത്യന്‍ രൂപ) യാണ് പിഴ വിധിച്ചത്. ഒമ്പത് തവണയാണ് മുന്‍ ഭര്‍ത്താവിന് മകളെ കാണാനുള്ള അവസരം നിഷേധിച്ചത്.
തന്റെ അമ്മയ്ക്ക് മരിക്കുന്നതിന് മുമ്പ് കൊച്ചുമക്കളെ കാണാന്‍ ആഗ്രഹമുണ്ടെന്ന് ഭര്‍ത്താവ് പറഞ്ഞിരുന്നു. ഈ ആവശ്യം ഉന്നയിച്ച് സമീപിച്ചപ്പോഴാണ് മുന്‍ ഭാര്യ അനുവദിച്ചില്ലെന്ന് ചൂണ്ടിക്കാട്ടി മുന്‍ ഭര്‍ത്താവ് കേസ് ഫയല്‍ ചെയ്തത്. 100,000 ദിര്‍ഹം നഷ്ടപരിഹാരം ആവശ്യപ്പെട്ടായിരുന്നു കേസ്.
10,000 ദിര്‍ഹം നഷ്ടപരിഹാരം യുവതി നല്‍കണമെന്ന് കീഴ്‌ക്കോടതി ഉത്തരവിട്ടെങ്കിലും വിധിയില്‍ യുവതി അപ്പീല്‍ കോടതിയെ സമീപിച്ചു. യുവതിയുടെ അപ്പീല്‍ പരിഗണിച്ച കോടതി നഷ്ടപരിഹാരമായി 13,000 ദിര്‍ഹം മുന്‍ ഭര്‍ത്താവിന് യുവതി നല്‍കണമെന്ന് വിധിച്ചു. ഇതിന് പുറമെ കോടതി നടപടിയുടെ ചെലവും യുവതി വഹിക്കണമെന്ന് പറഞ്ഞു.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
