കൂ​ട്ട​ബ​ലാ​ത്സം​ഗ ദൃശ്യങ്ങൾ സ​മൂ​ഹ​മാ​ധ്യ​മ​ങ്ങ​ളി​ല്‍; യുവതിയെ പീഡിപ്പിച്ചത് ആറംഗ സംഘം, രണ്ട് പേർ അറസ്‌റ്റിൽ

ജയ്‌പുർ: രാജസ്ഥാനിൽ സ്‌ത്രീയെ കൂട്ട ബലാത്സംഗം ചെയ്‌ത് നഗ്നദൃശ്യങ്ങൾ മൊബൈൽ ഫോണിൽ പകർത്തി സമൂഹമാധ്യമങ്ങളിലൂടെ പ്രചരിപ്പിച്ചു. രാജസ്ഥാനിലെ അൽവാറിൽ ഈ മാസം 17നാണ് ക്രൂരമായ സംഭവമുണ്ടായത്. കേസ് രജിസ്‌റ്റർ ചെയ്‌ത് അന്വേഷണം ആരംഭിച്ച പോലീസ് രണ്ട് പേരെ അറസ്‌റ്റ് ചെയ്‌തു.

Also Read: മദ്യപിച്ച് ഭാര്യ ക്രൂരമായി തല്ലിച്ചതയ്‌ക്കുന്നു; പോലീസ് സംരക്ഷണം തേടി യുവാവ് സ്‌റ്റേഷനിൽ

സംഭവദിവസം മകളുടെ ഭർത്താവിനൊപ്പം ബൈക്കിൽ സഞ്ചരിക്കുകയായിരുന്ന സ്‌ത്രീയെ ആറംഗസംഘം തടഞ്ഞ് നിർത്തി. രക്ഷപ്പെടാൻ ശ്രമിക്കുന്നതിനിടെ ഇരുവരും മർദ്ദിച്ചു. തുടർന്ന് സ്ത്രീയെ പ്രതികൾ ബലാത്സഗം ചെയ്യുകയായിരുന്നു. പീഡന ദൃശ്യങ്ങൾ ഫോണിൽ പകർത്തുകയും പിന്നീട് സമൂഹമാധ്യമങ്ങളിലൂടെ പ്രചരിപ്പിക്കുകയും ചെയ്‌തു.

വീട്ടിൽ മടങ്ങി എത്തിയ സ്‌ത്രീ പീഡനവിവരം ഭർത്താവിനോട് പറയുകയും തുടർന്ന് പോലീസ് സ്‌റ്റേഷനിൽ പരാതി നൽകുകയുമായിരുന്നു. കേസെടുത്ത പോലീസ് രണ്ട് പേരെ അറസ്‌റ്റ് ചെയ്‌തു. ഒളിവിൽ പോയ പ്രതികളെ വൈകാതെ പിടികൂടുമെന്നും ഇവർക്കായുള്ള തെരച്ചിൽ ശക്തമാക്കിയതായും പോലീസ് പറഞ്ഞു.

Also Read: പോലീസിനെ വിളിച്ചത് കൂർക്കംവലി കേട്ട വീട്ടുടമ; 'ജോലിയ്ക്കിടെ' ഉറങ്ങിപ്പോയ കള്ളൻ പിടിയിൽ

പീഡനത്തിന് ഇരയായ സ്‌ത്രീയെ വൈദ്യപരിശോധനയ്‌ക്ക് വിധേയമാക്കി. ബലാത്സംഗം അടക്കമുള്ള കുറ്റങ്ങൾ പ്രതികൾക്കെതിരെ ചുമത്തിയതായി ഡെപ്യൂട്ടി പോലീസ് സൂപ്രണ്ട് കൗശൽ സിങ് വ്യക്തമാക്കി. മറ്റ് പ്രതികളെ വൈകാതെ പിടികൂടുമെന്നും അദ്ദേഹം പറഞ്ഞു.