ആലപ്പുഴ: കഞ്ചാവ് വില്പന നടത്താൻ ശ്രമിച്ച യുവാവ് അറസ്റ്റിൽ. ഒന്നേകാൽ കിലോ കഞ്ചാവ് ആന്ധ്രാപ്രദേശിൽ നിന്ന് കൊണ്ട് വന്ന് പുന്നപ്ര കപ്പക്കട ഭാഗത്തുള്ള ഇന്ത്യൻ ഓയിൽ കോർപ്പറേഷൻ പമ്പിന് സമീപം വെച്ച് വിൽക്കാൻ ശ്രമിക്കുന്നതിനിടെയാണ് യുവാവ് അറസ്റ്റിലായത്. കരിമ്പാവളവ് സജി ഭവനിൽ അനന്തകൃഷ്ണൻ(22) ആണ് അറസ്റ്റിലായത്.
അനന്തകൃഷ്ണന്റെ താമസസ്ഥലവും മറ്റും ഷാഡോ പോലീസ് നിരീക്ഷണത്തിലായിരുന്നു. നെല്ലൂരിൽ നിന്ന് ട്രെയിനുകൾ മാറി കയറിയും ലോക്കൽ കോച്ചിൽ യാത്ര ചെയ്തുമാണ് ഇയാൾ കഞ്ചാവ് എത്തിച്ചിരുന്നത്. ആന്ധ്രപ്രദേശിൽ ഇപ്പോൾ കഞ്ചാവ് വിളവെടുപ്പ് സീസണാണ്. ട്രെയിനിൽ പരിശോധന ഉണ്ടായാൽ അപ്പോൾ തന്നെ കഞ്ചാവ് പുറത്തേക്ക് വലിച്ചെറിയുമെന്നും അനന്തകൃഷ്ണൻ മൊഴി നൽകി. ആലപ്പുഴ എക്സൈസിലെ പ്രത്യേക സംഘമാണ് അനന്തകൃഷ്ണനെ പിടി കൂടിയത്.