ജാതി മാറി വിവാഹം ചെയ്‌ത യുവാവിനെ ഭാര്യയുടെ സഹോദരന്മാര്‍ കുത്തിക്കൊന്നു

ന്യൂഡൽഹി: ജാതിമാറി വിവാഹം ചെയ്‌തതിന് 23കാരനെ സഹോദരന്മാർ കുത്തിക്കൊന്നു. ഹരിയാനയിലെ പാനിപത്തിലാണ് സംഭവം. നീരജ് എന്ന യുവാവാണ് കൊല്ലപ്പെട്ടത്. ഒന്നര മാസം മുൻപായിരുന്നു വിവാഹം. യുവാവിൻ്റെ സഹോദരൻ ജഗദീഷിൻ്റെ കേസെടുത്ത് അന്വേഷണം ആരംഭിച്ചെങ്കിലും പ്രതികളെ പിടികൂടാനായിട്ടില്ലെന്ന് പോലീസ് വ്യക്തമാക്കി.

Also Read: കോൺട്രാക്ടർക്കൊപ്പം ഭക്ഷണം കഴിച്ചതിന് ദളിത് തൊഴിലാളികളെ മർദ്ദിച്ചു; കൊല്ലം സ്വദേശിക്കെതിരെ കേസ്

നീരജിൻ്റെ ഭാര്യയുടെ സഹോദരന്മാരാണ് കൊലപാതകം നടത്തിയതെന്ന് പോലീസ് പറഞ്ഞു. വെള്ളിയാഴ്‌ച രാത്രി പാനിപത്തിലെ തിരക്കേറിയ മാർക്കറ്റിൽ വെച്ചാണ് പ്രതികൾ നീരജിനെ ആക്രമിച്ച് കുത്തിക്കൊലപ്പെടുത്തിയത്. സംഭവത്തിൻ്റെ സിസിടിവി ദൃശ്യങ്ങൾ ലഭ്യമായെങ്കിലും പ്രതികളെ പിടികൂടാൻ കഴിഞ്ഞിട്ടില്ലെന്ന് പോലീസ് പറഞ്ഞു.

കൊലപാതകത്തിന് മണിക്കൂറുകൾക്ക് മുൻപായി പ്രതികളെ നീരജിനെ ഫോണിൽ വിളിച്ചിരുന്നതായി ജഗദീഷ് പറഞ്ഞു. നേരിട്ട് കാണണമെന്ന് പ്രതികൾ നീരജിനെ അറിയിച്ചു. ഇതിനിടെ സഹോദരിയെ ഫോണിൽ വിളിച്ച് നീ ഉടൻ കരയുമെന്ന് ഭീഷണിപ്പെടുത്തുകയും ചെയ്‌തു. ഇതിന് പിന്നാലെയാണ് കൊലപാതകം നടന്നത്.

Also Read: പുലര്‍ച്ചെ കണ്ടത് ഞെട്ടിക്കുന്ന കാഴ്ച; ന്യൂ ഇയർ പാർട്ടിയ്ക്കിടെ 19കാരിയെ സുഹൃത്തുക്കൾ കൊലപ്പെടുത്തി

നീരജിൻ്റെ കുടുംബം പോലീസിനെതിരെ ആരോപണം ഉന്നയിച്ചു. പ്രതികളിൽ നിന്നും വധഭീഷണിയുണ്ടായിരുന്നുവെന്നു. ഇക്കാര്യം വ്യക്തമാക്കി പരാതി നൽകിയിട്ടും പോലീസ് ആവശ്യമായ ഇടപെടൽ നടത്തിയിട്ടില്ല. വിവാഹത്തിന് മുൻപ് പ്രശ്‌നങ്ങൾ പരിഹരിക്കാൻ ഗ്രാമത്തിലെ പ്രമുഖരുടെ ഇടപെടൽ നടത്തിയിരുന്നുവെന്നും കുടുംബം പറഞ്ഞു. വിവാഹത്തിന് രണ്ട് കുടുംബങ്ങളും സമ്മതം അറിയിച്ചെങ്കിലും സഹോദരന്മാർ എതിർത്തുവെന്ന് ഡെപ്യൂട്ട് എസ് പി സതീഷ് കുമാര്‍ പറഞ്ഞു.