Fact Check: 'മമതയെ വീഴ്‌ത്താൻ' ബിജെപിയും ഒവൈസിയുടെ പാർട്ടിയും സഖ്യത്തിലേക്ക്; പ്രചരിച്ച വാർത്ത സത്യമോ?

ന്യൂഡൽഹി: നിയമങ്ങൾ ശക്തമാക്കിയിട്ടും സമൂഹമാധ്യമങ്ങളിലൂടെ വ്യാജ വാർത്തകളും സന്ദേശങ്ങളും പ്രചരിക്കുന്നതിന് യാതൊരു കുറവുമില്ല. തെറ്റായ വാർത്തയെന്ന് ഉറപ്പുണ്ടായിട്ടും നിരവധിയാളുകൾ ഇത്തരം വാർത്തകൾ പങ്കുവയ്‌ക്കാറുണ്ട്. ബിജെപിയുടെ ഔദ്യോഗിക ട്വിറ്റർ പേജിൻ്റെ സ്‌ക്രീൻ ഷോട്ടുമായി ബന്ധപ്പെട്ട ഒരു പ്രചാരണമാണ് സമൂഹമാധ്യമങ്ങളിൽ വൈറലാകുന്നത്.

Also Read: ലോക്ക് ഡൗൺ പ്രഖ്യാപിക്കാമോ? പുതിയ കൊവിഡ് മാർഗനിർദേശങ്ങൾ പുറപ്പെടുവിച്ചു, നിയന്ത്രണങ്ങളും ഇളവുകളും ഇങ്ങനെ

അവകാശം

വരാൻ പോകുന്ന പശ്ചിമ ബംഗാൾ തെരഞ്ഞെടുപ്പിൽ ബിജെപിയും അസദുദ്ദീൻ ഒവൈസിയുടെ പാർട്ടിയായ അഖിലേന്ത്യാ മജ്‌ലിസ് ഇ-ഇറ്റെഹാദുൽ മുസ്‌ലിമീനും (എഐഐഎം) സഖ്യത്തിലാകുമെന്നാണ് സമൂഹമാധ്യമങ്ങളിലൂടെ പ്രചാരണം നടന്നത്. 2020 നവംബർ 20 ട്വിറ്ററിലൂടെ ബിജെപി പ്രഖ്യാപനം നടത്തിയെന്നായിരുന്നു വാർത്തകൾ. ബിജെപിയുടെ ഔദ്യോഗിക ട്വിറ്റർ പേജിൻ്റെ സ്‌ക്രീൻ ഷോട്ട് സഹിതമാണ് ഈ വർത്ത പ്രചരിച്ചത്. ഫേസ്‌ബുക്ക്, ട്വിറ്റർ പേജുകളിലൂടെയാണ് പ്രചരണം നടന്നത്.


സത്യാവസ്ഥ എന്ത്?

പ്രചാരണം ശക്തമായതോടെ ടൈംസ് ഫാക്‌ട് ചെക്ക് നടത്തിയ പരിശോധനയിലാണ് സത്യാവസ്ഥ വ്യക്തമായത്. പശ്ചിമ ബംഗാൾ തെരഞ്ഞെടുപ്പിൽ എ‌ഐ‌ഐ‌എമ്മുമായി സഖ്യമുണ്ടെന്ന് സൂചിപ്പിക്കുന്ന തരത്തിലുള്ള ട്വീറ്റുകളൊന്നും നടത്തിയിട്ടില്ലെന്ന് ബിജെപി വ്യക്തമാക്കി. 2020 നവംബർ 20ന് ബിജെപി അത്തരത്തിലുള്ള യാതൊരു ട്വീറ്റും നടത്തിയിട്ടില്ലെന്ന് ബിജെപിയുടെ ട്വിറ്റർ പേജ് പരിശോധിച്ചതിലൂടെ വ്യക്തമായി. ബിജെപിയുമായി സഖ്യം ഉണ്ടായാൽ അതൊരു പ്രധാന വാർത്തയായി തീരുമായിരുന്നു.

Also Read: 'ധൈര്യമുണ്ടെങ്കിൽ ബിജെപി അറസ്റ്റ് ചെയ്യട്ടെ'; ജയിലിലായാലും തൃണമൂൽ തെരഞ്ഞെടുപ്പ് ജയിക്കുമെന്ന് മമത

വെർഡിക്‌ട്

പരിശോധനയിൽ ബിജെപിയുടെ പേരിൽ പ്രചരിച്ച ട്വീറ്റ് വ്യാജമാണെന്ന് കണ്ടെത്തി. എഐഐഎംയെ പരാമർശിച്ച് 2018 ഡിസംബർ രണ്ടിനാണ് ബിജെപി ഏറ്റവും അവസാനമായി ട്വീറ്റ് ചെയ്‌തത്. അതേസമയം
2021ലെ സംസ്ഥാന നിയമസഭാ തെരഞ്ഞെടുപ്പിൽ ബിജെപിയെ പരാജയപ്പെടുത്താൻ ഭരണകക്ഷിയായ ടിഎംസിയെ സഹായിക്കാൻ തങ്ങളുടെ പാർട്ടി സഹായിക്കുമെന്ന് അസദുദ്ദീൻ ഒവൈസി മുഖ്യമന്ത്രി മമത ബാനർജിയോട് പറഞ്ഞതായുള്ള റിപ്പോർട്ടുകൾ കണ്ടെത്തി. പ്രചരിച്ച വാർത്ത അടിസ്ഥാനരഹിതമാണെന്ന് ടൈംസ് ഫാക്‌ടിൽ നിന്ന് വ്യക്തമാകുകയും ചെയ്‌തു.