കറാച്ചിയില്‍ ജനങ്ങള്‍ ആശങ്കയില്‍
പാകിസ്ഥാന്‍ വ്യോമസേനയുടെ പിഎഎഫ് എഫ്-16 എന്ന ഒരു യുദ്ധവിമാനം കാണാതായി എന്നാണ് ഡോണിന്റെ ആസ്പദമാക്കി റിപ്പോര്‍ട്ട് ചെയ്തിരിക്കുന്നത്. ജൂണ്‍ 10നാണ് ഈ വാര്‍ത്ത റിപ്പോര്‍ട്ട് ചെയ്തിരിക്കുന്നത്. ഇതിനെ തുടര്‍ന്ന് കറാച്ചിയില്‍ വലിയ ആശങ്കയാണ് നിലനില്‍ക്കുന്നത് എന്നാണ് റിപ്പോര്‍ട്ട്. ജുനൈദ് അലി എന്നൊരാളുടെ പേരിലാണ് ഈ വാര്‍ത്ത പങ്കുവയ്ക്കപ്പെടുന്നത്. ചൊവ്വാഴ്ച രാത്രി മുതൽ ഈ വാര്‍ത്തകുറിപ്പ് സമൂഹമാധ്യമങ്ങളില്‍ വ്യാപിക്കുകയാണ്. പാക്ക് സമൂഹമാധ്യമങ്ങളിലാണ് ഇത് ആളി പടരുന്നത്.
ഇന്ത്യ തട്ടിയെടുത്തുവെന്ന് വാദം
പാക് വിമാനം കാണാതായി എന്ന പ്രചരണം ഉയര്‍ന്നതോടെ ആളുകള്‍ ട്വിറ്ററുകളിലൂടെ ആശങ്കകളും പങ്കുവച്ച് തുടങ്ങി. അതില്‍ ഭൂരിഭാഗം ആളുകളും ഇന്ത്യയെ തന്നെയാണ് കുറ്റപ്പെടുത്തുന്നത് എന്നതും കൗതുകമാണ്. ചിലര്‍ ഇന്ത്യയുടെ യുദ്ധവിമാനങ്ങള്‍ ആകാശത്തുകൂടി പറന്നത് കണ്ടുവെന്നും അഭിപ്രായപ്പെടുന്നു. ഇവര്‍ ഇന്ത്യയാണ് ഇതിന് പിന്നില്‍ എന്നും സംശയിക്കുന്നു. വിമാനം കാണാതായതിന് പിന്നാലെ കറാച്ചി നഗരം ബ്ലാക്ക് ഔട്ട് ചെയ്തുവെന്നും ഒരു പാക് പൗരന്‍ ട്വീറ്റ് ചെയ്തിട്ടുണ്ട്.
യാഥാര്‍ത്ഥ്യം ഇങ്ങനെ
വിമാനം മോഷണം പോയി എന്ന് പറഞ്ഞ് പ്രചരിക്കുന്നത് വ്യാജ വാര്‍ത്തയാണ്. അത്തരത്തില്‍ ഒരു വാര്‍ത്ത് പ്രമുഖ പാക് മാധ്യമം നല്‍കിയിട്ടുമില്ല എന്നതാണ് യാഥാര്‍ത്ഥ്യം. ആരോ മോര്‍ഫ് ചെയ്താണ് ഇത്തരത്തില്‍ ഒരു സ്ക്രീൻ ഷോട്ട് ഉണ്ടാക്കിയിരിക്കുന്നത്.
കണ്ടെത്തിയ മാര്‍ഗ്ഗം
ഡോണിന്റെ പേരില്‍ പ്രചരിക്കുന്നതിനാല്‍ തന്നെ അവരുടെ സമൂഹമാധ്യമങ്ങളില്‍ തന്നെ ഇത്തരം ഒരു വാര്‍ത്ത വന്നിട്ടുണ്ടോ എന്ന് പരിശോധന നടത്തി. എന്നാല്‍, അത്തരത്തില്‍ ഒരു വാര്‍ത്തയും കണ്ടെത്താന്‍ സാധിച്ചിട്ടില്ല. അതേസമയം, ഇത്തരത്തില്‍ ഒരു വ്യാജ വാര്‍ത്ത പ്രചരിക്കുന്നതായി അവര്‍ വാര്‍ത്ത റിപ്പോര്‍ട്ട് ചെയ്തിട്ടുണ്ട്. എന്നാല്‍ ഇത്തരത്തില്‍ ഒരു വാര്‍ത്ത തങ്ങള്‍ കൊടുത്തിട്ടില്ല എന്ന് ബുധനാഴ്ച ഡോണ്‍ തന്നെ റിപ്പോര്‍ട്ട് ചെയ്യുകയായിരുന്നു.
ഇത്തരത്തില്‍ വ്യാജ വാര്‍ത്ത കൊടുത്തതിനെ തുടര്‍ന്ന് ജനങ്ങള്‍ ആകെ പരിഭ്രാന്തരാണെന്നും റിപ്പോര്‍ട്ടില്‍ വ്യക്തമാക്കുന്നു.
വിധി
സമൂഹമാധ്യമങ്ങളില്‍ പ്രചരിക്കുന്ന പാക് വിമാനം കാണാതായി എന്ന വാര്‍ത്ത വ്യാജമാണെന്ന് സമയം ഫാക്ട്ചെക്ക് സംഘം നടത്തിയ പരിശോധനയില്‍ കണ്ടെത്തി. ഡോണ്‍ അത്തരത്തില്‍ ഒരു വാര്‍ത്തയും പ്രസിദ്ധീകരിച്ചിട്ടില്ല. സമൂഹമാധ്യമങ്ങളില്‍ ഇന്ത്യക്കെതിരെ പാക് ജനതയ്ക്ക് ദേഷ്യം നിലനില്‍ക്കുവാന്‍ വേണ്ടി ആരോ പടച്ചു വിട്ട വാര്‍ത്തയാണ് ഇത് എന്നാണ് നിഗമനം.