Fact-Check: ഓസ്ട്രേലിയയില്‍ ബ്രാഹ്മണര്‍ ബീഫ് കച്ചവടം നടത്തുന്നു; അംബേദ്‌കറുടെ കൊച്ചുമകന്‍ പുറത്തുവിട്ട വീഡിയോയുടെ സത്യാവസ്ഥ ഇങ്ങനെ

ഇന്ത്യന്‍ ഭരണഘടനയുടെ മുഖ്യശില്‍പ്പിയായ ഡോ. ബി.ആര്‍. അംബേദ്‌കറുടെ കൊച്ചുമകന്‍ രാജരത്ന സമൂഹമാധ്യമങ്ങളില്‍ പങ്കുവച്ച ഒരു വീഡിയോ ആണ് വലിയ ചര്‍ച്ചയ്ക്ക് ഇടവച്ചിരിക്കുന്നത്. ഓസ്ട്രേലിയയില്‍ ബ്രാഹമണര്‍ പശുക്കളെ കൊല്ലുകയും അതിന്റെ മാംസം ബ്രാഹ്മിണ്‍സ് പൈസ് എന്ന ബ്രാന്‍ഡിലൂടെ വില്‍ക്കുകയും ചെയ്യുമെന്നാണ് അദ്ദേഹത്തിന്റെ ഫെയ്സ്ബുക്ക് പോസ്റ്റ്.

Also Read : Fact-Check: ഡല്‍ഹി കലാപത്തില്‍ ഡിസിപി അമിത് ശര്‍മ കൊല്ലപ്പെട്ടു? സത്യാവസ്ഥ ഇതാണ്!!

ഇന്ത്യയില്‍ പശുക്കള്‍ ദൈവമാണെന്നും എന്നാല്‍ ഓസ്ട്രേലിയയില്‍ അവര്‍ എത്തിയാല്‍ മറിച്ചാണ് അവസ്ഥയെന്നും രാജരത്ന വീഡിയോയില്‍ പറയുന്നു. പശു ഇന്ത്യയുടെ അമ്മയാണ്, എന്നാല്‍ ഓസ്ട്രേലിയയില്‍ ഇതിനെ കഴിക്കുന്നത് ആര് ? എന്ന അടിക്കുറിപ്പുമായാണ് വീഡിയോ പുറത്തുവന്നിരിക്കുന്നത്.



ആറ് മിനിട്ട് ദൈര്‍ഖ്യമുള്ള വീഡിയോയില്‍ രാജരത്നയ്ക്ക് പുറമെ മറ്റൊരാളും പ്രത്യക്ഷപ്പെടുന്നുണ്ട്. ഇവര്‍ ഇരുവരും ബ്രാഹ്മിണ്‍സ് പൈസിന്റെ ഔട്ട്ലറ്റിന് പുറത്ത് നിന്നാണ് വീഡിയോ ചിത്രീകരിച്ചിരിക്കുന്നത്. ഈ സ്ഥാപനം ബ്രാഹ്മണര്‍ നടത്തുന്നതാണെന്നും ഇവിടെ ധാരാളം മാംസാഹാരങ്ങള്‍ വില്‍ക്കാറുണ്ടെന്നും വീഡിയോയില്‍ ഇരുവരും പറയുന്നുണ്ട്. വീഡിയോ പുറത്തുവന്ന് നിമിഷങ്ങള്‍ക്കുള്ളില്‍ തന്നെ ഇത് സമൂഹമാധ്യമങ്ങളില്‍ വൈറലാകുകയും നിരവധി വട്ടം ഷെയര്‍ ചെയ്യപ്പെടുകയും ചെയ്തു.


എന്നാല്‍ ഇതിന് പിന്നിലുള്ള യാഥാര്‍ത്ഥ്യം

രാജരത്നയും സുഹൃത്തും ചേര്‍ന്ന് പങ്കുവച്ചിരിക്കുന്ന വീഡിയോയില്‍ പറയുന്നത് തെറ്റായ കാര്യമാണ്. ഓസ്ട്രേലിയയില്‍ വ്യാപകമായ ബ്രാഹ്മണ്‍ പൈ ബ്രാഹ്മണര്‍ നടത്തുന്ന ഒരു കമ്പനിയല്ല എന്നത് മാത്രമല്ല ഇതൊരു ഇന്ത്യന്‍ കമ്പനി പോലുമല്ല എന്നതാണ് യാഥാര്‍ത്ഥ്യം.


കണ്ടെത്തിയ മാര്‍ഗ്ഗം

വിഡീയോയുടെ പശ്ചാത്തലത്തില്‍ ടൈംസ് ഫാക്ട് ചെക്ക് സംഘം ഈ കമ്പനിയുടെ ഫെയ്സ്ബുക്ക് പേജ് പരിശോധിച്ചു. ഇതില്‍ ബ്രാഹ്മണ്‍ പൈ എന്നത് 100 ശതമാനം ഓസ്ട്രേലിയന്‍ കമ്പനിയാണെന്ന് കണ്ടെത്തി. ഓസ്ട്രേലിയയിലെ ഒരു വിഭാഗം പശുക്കളുടെ പേരാണ് ബ്രാഹ്മണ്‍ എന്നത്.