Fact Check: ചൈനീസ് അതിര്‍ത്തി ഭേദിച്ച് 4 കിലോമീറ്റർ ചെന്ന് ഇന്ത്യൻ സൈന്യം ആഹ്ലാദപ്രകടനം നടത്തിയോ; പ്രചരിക്കുന്ന വീഡിയോയുടെ സത്യമെന്ത്

ഇന്ത്യ ചൈന അതിര്‍ത്തി തര്‍ക്കം ഏറെ നാളുകളായി ചര്‍ച്ച ചെയ്യുന്ന വിഷയമാണ്. എന്നാല്‍, ഇന്ത്യ ചൈനീസ് അതിര്‍ത്തി ഭേധിച്ച കടന്നതായി ഒരു പ്രചരണം സമൂഹമാധ്യമങ്ങളില്‍ വ്യാപകമായി പ്രചരിക്കുന്നുണ്ട്. ഇത് പരിശോധിക്കാം.

Also Read : Fact Check: പടികയറാന്‍ വയ്യാത്ത സ്ത്രീയെ സഹായിച്ച ജഡ്‍ജി, ഈ മാധ്യമ വാര്‍ത്തകള്‍ തെറ്റാണ്

വാദം,

ഒരു സംഘം സൈനീകര്‍ ആഹ്ലാദത്തില്‍ നൃത്തം ചെയ്യുന്നതിന്റെ ദൃശ്യങ്ങളാണ് ഇപ്പോള്‍ സമൂഹമാധ്യമങ്ങളില്‍ പ്രചരിക്കുന്നത്. ഇന്ത്യൻ സൈന്യം ഇന്ത്യ-ചൈന അതിര്‍ത്തിയായ ലൈൻ ആഫ്റ്റര്‍ കണ്ട്രോള്‍ ഭേദിച്ച് നാല് കിലോമീറ്ററോളം കടന്നുവെന്ന അവകാശവാദവുമായാണ് വീഡിയോ പ്രചരണം. നിരവധി ഫെയ്സ്ബുക്ക് പേജുകളിലും ഇതേ വീഡിയോ സമാനമായ അവകാശവാദവുമായി പ്രചരിക്കുന്നുണ്ട്.

സത്യം,

തെറ്റായ പ്രചരണവുമായാണ് വീഡിയോ വന്നിരിക്കുന്നത്. ഇത് കഴിഞ്ഞ ഓഗസ്റ്റ് 29-30 ദിവസങ്ങളിലായ് പാംഗോങ് തടാകത്തിന്റെ തീരത്ത് നടന്ന ചെറിയ സംഘര്‍ഷത്തിന്റെ ദൃശ്യമോ ഒന്നുമല്ല. ഇത് അതിന് മുന്‍പേ എടുത്തിട്ടുള്ള ദൃശ്യമാണ്.

Also Read : 40 കാരൻ 10 വയസ്സുകാരിയെ വിവാഹം ചെയ്തു; ഹിന്ദുക്കള്‍ക്ക് നാണക്കേടെന്ന് സോഷ്യല്‍ മീഡിയ, സത്യാവസ്ഥയെന്ത്?

കണ്ടെത്തിയ മാര്‍ഗം,

വീഡിയോയിൽ നടത്തിയ വിശദമായ പരിശോധനയിൽ തിബറ്റൻ പതാക പാറി നടക്കുന്നത് കാണുവാന്‍ സാധിക്കും. ഇതിന്റെ പശ്ചാത്തലത്തില്‍ സമാനമായ കീവേഡുകള്‍ വച്ച് പരിശോധിച്ചപ്പോള്‍ ഇതിന് ഫെയ്സ്ബുക്ക് വീഡിയോ കണ്ടെത്തുവാന്‍ സാധിച്ചു. തിബറ്റ് ചാനല്‍ എന്ന ഫെയ്സ്ബുക്ക് പേജിലാണ് ഈ വീഡിയോ വന്നിരിക്കുന്നത്. 2020 ഓഗസ്റ്റ് 27ന് വന്നിരിക്കുന്ന വീഡിയോയാണിത്. ഇതിൽ നിന്നുള്ള ഏതാനും ദൃശ്യമങ്ങളാണ് പ്രചരിക്കുന്നത്.

ഓഗസ്റ്റ് 29-30 ദിവസങ്ങളിലായാണ് ഇന്ത്യ ചൈന സംഘര്‍ഷങ്ങള്‍ നടക്കുന്നത്. ഈ വാര്‍ത്തകള്‍ വിശദമായി പരിശോധിച്ചപ്പോള്‍ ഇന്ത്യ ചൈനയെ പ്രതിരോധിച്ചതല്ലാതെ തിരികെ കയറിയതായും പരാമര്‍ശിക്കപ്പെട്ടിട്ടില്ല.

Also Read : Fact Check: ഹിന്ദു യുവതിയെ മുസ്ലിം ഭര്‍ത്താവ് മര്‍ദ്ദിച്ചു; ചിത്രം പങ്കുവെച്ച് കോണ്‍ഗ്രസ് എംഎല്‍എ, സത്യം ഇതാണ്‌

വിധി,

സമയം ഫാക്ട് ചെക്ക് സംഘം നടത്തിയ പരിശോധനയിൽ പ്രചരിക്കുന്നത് തെറ്റായ വാര്‍ത്തയാണെന്ന് കണ്ടെത്തി.