Fact Check: 'അമർ ജവാൻ ജ്യോതി നശിപ്പിച്ച് മുസ്ലീം പ്രതിഷേധക്കാർ'; ഫോട്ടോഷോപ്പെന്ന് സ്വര ഭാസ്കർ; വാസ്തവം ഇതാണ്

ഇന്തോ പാക്ക് യുദ്ധത്തിന്റെ സ്മാരണാർത്ഥം ന്യൂഡൽഹിയിലെ ഇന്ത്യ ഗേറ്റിന്റെ കീഴിലായി സ്ഥാപിച്ചിട്ടുള്ള അമർ ജവാൻ ജ്യോതിയിൽ മുസ്ലീം യുവാക്കള്‍ ആക്രമണം നടത്തിയെന്ന ഒരു ചിത്രമാണ് ഇപ്പോള്‍ ചര്‍ച്ചയായിരിക്കുന്നത്.

ഹര്‍ഷിത് മിത്തൽ എന്നയാള്‍ ട്വിറ്ററിൽ പങ്കുവച്ച ചിത്രമാണ് ചർച്ചയായിരിക്കുന്നത്. 'അമർ ജവാന്‍ ജ്യോതിയിൽ ഇവര്‍ ഇത് ചെയ്ത ദിവസമാണ് താൻ ഇസ്ലാമോഫോബിക് ആയിരിക്കുന്നത് എന്നാണ് ട്വീറ്റ് വന്നിരിക്കുന്നത്'. ഈ ട്വീറ്റ് റീട്വിറ്റ് ചെയ്ത് ബോളിവുഡ് നടി സ്വര ഭാസ്കര്‍ 'ചീപ്പ് ഫോട്ടോഷോപ്പ്' എന്നാണ് ട്വീറ്റ് ചെയ്തിരിക്കുന്നത്.


സത്യം,

ബോളിവുഡ് നടി സ്വരാ ഭാസ്കറിന്റെ വാദം പൂര്‍ണമായും തെറ്റാണെന്ന് കണ്ടെത്തിയിട്ടുണ്ട്. ഈ ചിത്രം 2012 പകര്‍ത്തിയതാണ്. മുംബൈ കേന്ദ്രമായി പ്രവര്‍ത്തിക്കുന്ന സൂഫി സംഘടന നടത്തിയ റാസാ അക്കാദമിയുടെ നേതൃത്വത്തിൽ സാമ്പത്തിക തലസ്ഥാനത്തേക്ക് നടത്തിയ പ്രതിഷേധമാണ് ഇത്തരത്തിൽ അക്രമത്തിലേക്ക് എത്തിയത്. മ്യാന്‍മറിലെ റൊഹിങ്ക്യൻ മുസ്ലീങ്ങള്‍ക്ക് അനുകൂലിച്ച് നടത്തിയ പ്രതിഷേധത്തിനിടെയാണ് ആക്രമണമുണ്ടായത്.

കണ്ടെത്തിയ മാര്‍ഗം

ചിത്രം മുറിച്ച് റിവേഴ്സ് ഇമേജ് സെര്‍ച്ചിലൂടെ പരിശോധിച്ചപ്പോള്‍ 2012 ഓഗസ്റ്റ് 29 ന് റിപ്പോർട്ട് ചെയ്ത വാര്‍ത്തയാണ് കണ്ടെത്തിയത്. മിഡ് ഡെ എന്ന മാധ്യമമാണ് വാര്‍ത്ത നൽകിയിരുന്നത്. ഈ റിപ്പോര്‍ട്ടിൽ രണ്ട് ചിത്രങ്ങളും ഉൾപ്പെടുത്തിയിട്ടുണ്ട്. അതുൽ കാംബ്ലെക്കാണ് ചിത്രത്തിന്റെ ക്രെഡിറ്റ് നൽകിയിരിക്കുന്നത്. 'മുബൈസ് മോസ്റ്റ് വാണ്ടഡ്' എന്ന തലക്കെട്ടാണ് നൽകിയിരുന്നത്.



റിപ്പോര്‍ട്ട് പ്രകാരം ഇതിൽ ഒരു അക്രമിയുടെ പേര് അബ്ദുൾ ഖാദിർ മുഹമ്മദ് യൂനസ് അൻസാരി എന്നാണ്. 18 ദിവസങ്ങള്‍ക്ക് ശേഷം ഇയാള്‍ അറസ്റ്റിലാകുകയും ചെയ്തു.

പിന്നീട് 2013 ജനുവരി 25ന് രാജീവ് ചന്ദ്രശേഖര്‍ എംപി ഇതിനെക്കുറിച്ച് വിവരം നൽകുന്നവർക്ക് അഞ്ച് ലക്ഷം പാരദോഷികവും പ്രഖ്യാപിച്ചിരുന്നു. വ്യാജമാണെന്ന് കണ്ടെത്തിയതോടെ സ്വര പോസ്റ്റ് ഡിലീറ്റ് ചെയ്യുകയും ചെയ്തിട്ടുണ്ട്.

വിധി

അമര്‍ ജവാന്‍ ജ്യോതി തകര്‍ക്കുന്ന ചിത്രം വ്യാജമാണെന്ന് സ്വരാ ഭാസ്കര്‍ പറഞ്ഞത് തെറ്റാണെന്ന് കണ്ടെത്തി.