fact check: ഡൽഹില്‍ ബിജെപി എട്ട് സീറ്റുകളില്‍ തോറ്റത് വെറും 100 വോട്ടുകളുടെ വ്യത്യാസത്തില്‍ ? പ്രചരണത്തിന് പിന്നിലുള്ള സത്യം ഇങ്ങനെയോ

ന്യൂഡല്‍ഹി നിയമസഭാ തെരഞ്ഞെടുപ്പ് അവസാനിച്ച് കഴിഞ്ഞപ്പോള്‍ ചർച്ചകള്‍ അവസാന ഘട്ടത്തിലെത്തിലെത്തി നില്‍ക്കുകയാണ്. ഒരു വശത്ത് ആം ആദ്മി പാര്‍ട്ടി തങ്ങളുടെ ജയം ആഘോഷിക്കുമ്പോൾ എന്തുകൊണ്ട് തോറ്റു എന്ന് അന്വേഷിക്കുകയാണ് മറ്റു പാര്‍ട്ടികള്‍. അതിനിടയില്‍ വിവിധ വ്യാജ വാര്‍ത്തകള്‍ പുറത്തുവരുന്നുണ്ട്.

എട്ട് സീറ്റുകളില്‍ ബിജെപിക്ക് സീറ്റ് നഷ്ടപ്പെട്ടത് 100 വോട്ടുകളുടെ വ്യത്യാസത്തില്‍

ഡല്‍ഹി തെരഞ്ഞെടുപ്പില്‍ മുന്‍വര്‍ഷത്തേക്കാള്‍ നില മെച്ചപ്പെടുത്താന്‍ ബിജെപിക്ക് സാധിച്ചിരുന്നുവെങ്കിലും കാര്യമായ മുന്നേറ്റമുണ്ടാക്കുന്നതില്‍ പരാജയപ്പെടുകയായിരുന്നു. എന്നാല്‍, ഫലപ്രഖ്യാപനത്തിന് പിന്നാലെ സമൂഹമാധ്യമങ്ങളില്‍ ചിലവ്യാജ പ്രചരണങ്ങളും ഇടം പിടിച്ചിട്ടുണ്ട്. അതിലൊന്നാണ് എട്ട് സീറ്റുകളില്‍ ബിജെപിക്ക് നൂറില്‍ താഴെ വോട്ടുകളുടെ വ്യത്യാസത്തിലാണ് തോല്‍വിയുണ്ടായത് എന്ന പ്രചരണം. പിന്നാലെ 19 സീറ്റുകളില്‍ 1000 വോട്ടില്‍ താഴെ എന്ന വ്യത്യാസത്തിലും ഒന്‍പത് സീറ്റുകളില്‍ 2000 വോട്ടുകളുടെ വ്യത്യാസത്തിലാണ് പാര്‍ട്ടി തോറ്റത് എന്നും പ്രചരണമുണ്ട്.

Also Read : 5 ശതമാനം വോട്ട് ലഭിക്കാതെ കോൺഗ്രസ്; ഡൽഹിയിലെ നാലാമത്തെ വലിയ പാർട്ടിയായി ജെഡിയു

വെറും മൂന്ന് ശതമാനം വോട്ടുകള്‍


പ്രചരിക്കുന്ന സന്ദേശങ്ങള്‍ മറ്റൊന്ന് വെറും മൂന്ന് ശതമാനം വോട്ടുകള്‍ കൂടി ലഭിച്ചിരുന്നുവെങ്കില്‍ മുഴുവന്‍ കളിയും മാറിയേനെ എന്നാണ്. കൃത്രിമമായി നിര്‍മ്മിച്ച ഗ്രാഫിക്കല്‍ കാര്‍ഡിന്റെയും മറ്റും സഹായത്തോടെയാണ് ഈ സന്ദേശം പ്രചരിക്കുന്നത്.

പ്രചരണങ്ങള്‍ക്ക് പിന്നിലെ യാഥാര്‍ത്ഥ്യം

വാട്സ് ആപ്പ്, ട്വിറ്റര്‍ അടക്കമുള്ള സമൂഹമാധ്യമങ്ങളില്‍ പ്രചരിക്കുന്ന ഈ വാര്‍ത്ത പൂര്‍ണമായും തെറ്റാണ്. മേല്‍പ്പറഞ്ഞ കണക്ക് പ്രകാരം 100 വോട്ടിന്റെ വ്യത്യാസത്തില്‍ ബിജെപി തോറ്റത് എന്നത് കൃത്രിമമായി നിര്‍മ്മിച്ച കണക്കാണ്. 2000 വോട്ടിന്റെ വ്യത്യാസത്തില്‍ രണ്ട് സീറ്റുകളില്‍ മാത്രമാണ് ബിജെപി തോറ്റത്.

Also Read : ഡല്‍ഹിയില്‍ തോറ്റത് അമിത് ഷായോ? കാരണങ്ങള്‍ നിരത്തി ശിവസേന

ആകെ ബിജെപിക്ക് നിര്‍ണായകമായത് 13 സീറ്റുകളില്‍ മാത്രം



ഡല്‍ഹി നിയമസഭ തെരഞ്ഞെടുപ്പില്‍ ആകെ 13 സീറ്റുകളില്‍ മാത്രമാണ് ബിജെപി നിർണായകമായത്. ഹിന്ദുസ്ഥാന്‍ ടൈംസിന്റെ റിപ്പോര്‍ട്ട് പ്രകാരം 13 സീറ്റുകളില്‍ മാത്രമാണ് 7000ത്തില്‍ താഴെ വോട്ടുകളുടെ ഭൂരിപക്ഷത്തില്‍ എത്താന്‍ സാധിച്ചത്. ഇതില്‍ രണ്ട് സീറ്റുകളില്‍ താഴെ മാത്രമാണ് ബിജെപി സ്ഥാനാര്‍ത്ഥിക്ക് 2000 വോട്ടുകള്‍ക്ക് താഴെ എത്തിയത്. ബിജ്വവാസന്‍, ആദര്‍ശ് നഗര്‍ എന്നീ മണ്ഡലങ്ങളിലാണ് ബിജെപിക്ക് നിര്‍ണായകമായത്. എന്നാല്‍, സന്ദേശത്തില്‍ കാണിക്കുന്നത് തെറ്റായ വിവരമാണ് എന്നാണ് വ്യക്തമാകുന്നത്.