ഭഗവത്ഗീത നിര്‍ബന്ധമായും അഭ്യസിപ്പിക്കണമെന്ന് ബില്‍!

ന്യുഡല്‍ഹി: രാജ്യത്തെ എല്ലാ വിദ്യാഭ്യാസ സ്ഥാപനങ്ങളിലും ഭഗവത്ഗീത നിർബന്ധമായും അഭ്യസിപ്പിക്കണമെന്ന് ആവശ്യപ്പെട്ടുകൊണ്ട് ലോക്സഭയിൽ സ്വകാര്യ ബിൽ. കഴിഞ്ഞ ദിവസമാണ് ബിജെപി അംഗമായ രമേശ് ബിധുരി 103 സ്വകാര്യ ബില്ലുകളിൽ ഒന്നായി ഇൗ ബില്‍ സമര്‍പ്പിച്ചത്. ധാർമിക വിദ്യാഭ്യാസ വിഷയം എന്ന രീതിയിൽ ഭഗവത് ഗീത പഠന വിഷയമാക്കണമെന്നാണ് രമേശ് ബിധുരി ആവശ്യപ്പെടുന്നത്.

അതേസമയം, പൊതുസ്ഥലങ്ങളിൽ , മൂത്രമൊഴിക്കുക, ചപ്പു ചവറിടുക, തുപ്പുക തുടങ്ങിയവ നിരോധിക്കണമെന്ന് ആവശ്യപ്പെട്ട് ബിജെപി അംഗം മഹേഷ് ഗിരി മെയിന്‍റനന്‍സ് ഒാഫ് ക്ലീന്‍ലിനെസ് ബില്ലും കൊണ്ടു വന്നിട്ടുണ്ട്. പൊതു സ്ഥലങ്ങളിൽ ആരോഗ്യകരമായ അന്തരീക്ഷവും ശുചിത്വവും വൃത്തിയും നിലനിൽക്കുന്നതിന് വേണ്ടിയാണ് ഈ ബില്ലെന്ന് മഹേഷ് ഗിരി പറ‌ഞ്ഞു.

സ്ത്രീകൾക്കെതിരായ അതിക്രമങ്ങളില്‍ കേസുകൾ വേഗം തീർപ്പാക്കുന്നതിനു വേണ്ടി പ്രത്യേക കോടതികൾ സ്ഥാപിക്കണമെന്ന് ആവശ്യപ്പെട്ട് എൻസിപിയുടെ സുപ്രീയ സുലെയും ആഡംബര വിവാഹങ്ങളും അനാവശ്യ ചെലവുകളും ഒഴിവാക്കുന്നതിനും കോൺഗ്രസിന്റെ രഞ്ജിത് രഞ്ജനും സ്വകാര്യ ബിൽ കൊണ്ടുവന്നിട്ടുണ്ട്.

Bill for compulsory teaching of Bhagavad Gita in Lok Sabha

A bill to provide compulsory teaching of Bhagvad Gita as moral education subject in educational institutions was among 103 private members bills introduced in the Lok Sabha on Friday.