കര്‍ണാടകയില്‍ പുതിയ അഞ്ചു റിയല്‍ എസ്റ്റേറ്റ് പദ്ധതികളുമായി പ്രസ്റ്റീജ്

ബംഗലൂരു: കര്‍ണാടകയില്‍ പുതിയ അഞ്ചു റിയല്‍ എസ്റ്റേറ്റ് പദ്ധതികള്‍ക്ക് തുടക്കമിട്ട് പ്രസ്റ്റീജ് ഗ്രൂപ്പ്. മൂന്നെണ്ണം റസിഡന്‍ഷ്യല്‍, ഒരു കമേഴ്സ്യല്‍, ഒരു ഇന്‍ഡസ്ട്രിയല്‍ ഇങ്ങനെയാണ് പ്രോജക്റ്റുകള്‍.

പ്രസ്റ്റീജ് ഐവി ടെറസസ്, പ്രസ്റ്റീജ് ബഗമാനെ ടെമ്പിള്‍ ബെല്‍സ്, പ്രസ്റ്റീജ് സണ്‍റൈസ് പാര്‍ക്ക് എന്നിവയാണ് റസിഡന്‍ഷ്യല്‍ പദ്ധതികള്‍. പ്രസ്റ്റീജ് സാലി അഹമ്മദ് എന്ന പദ്ധതി കമേഴ്സ്യല്‍ വിഭാഗത്തിലും പ്രസ്റ്റീജ് ലോജിസ്റ്റിക്സ് സെന്‍റര്‍ ഇന്‍ഡസ്ട്രിയല്‍ വിഭാഗത്തിലും പെടുന്നു.

ഉപഭോക്താക്കളുടെ വൈവിധ്യമാര്‍ന്ന ആവശ്യങ്ങള്‍ പൂര്‍ത്തീകരിക്കുകയാണ് തങ്ങളുടെ ലക്ഷ്യമെന്ന് പ്രസ്റ്റീജ് ഗ്രൂപ്പ് എംഡിയും ചെയര്‍മാനുമായ റസാക്ക് പറഞ്ഞു. കഴിഞ്ഞ കുറച്ചു വര്‍ഷങ്ങളായി റിയല്‍ എസ്റ്റേറ്റ് മേഖലയുടെ വളര്‍ച്ച മുകളിലേയ്ക്കാണ്. വരും വര്‍ഷങ്ങളില്‍ വീടുകള്‍ നിര്‍മ്മിക്കാനും കൂടുതല്‍ ആവശ്യക്കാര്‍ ഉണ്ടാകും എന്നാണ് പ്രതീക്ഷയെന്നും അദ്ദേഹം പറഞ്ഞു