ഒളിച്ച് പുകവലിച്ചത് അമ്മ കൈയ്യോടെ പിടിച്ചു; പതിനാലുകാരൻ ജീവനൊടുക്കി

ആഗ്ര: ഒളിച്ചിരുന്ന് പുകവലിച്ചത് അമ്മ കൈയ്യോടെ പിടികൂടിയതില്‍ മനംനൊന്ത് മകൻ സ്വയം നിറയൊഴിച്ച് ജീവനൊടുക്കി. മകന്‍റെ ദുശീലം അമ്മ പിടിച്ചതിനു പിന്നാലെ ശകാരിക്കുകയും മര്‍ദ്ദിക്കുകയും ചെയ്തിരുന്നു. ആഗ്രയിലെ കൃഷ്ണ നഗറിലാണ് സംഭവം നടന്നത്. ഏഴാം ക്ലാസ് വിദ്യാര്‍ഥിയായ ലോകേന്ദറാണ്(14) നാടന്‍ തോക്ക് ഉപയോഗിച്ച്‌ ജീവനൊടുക്കിയത്. കുറച്ചുകാലമായി കുട്ടി പുകവലിക്ക് അടിമയായിരുന്നെന്ന് പോലീസ് വ്യക്തമാക്കി.

മകനെ ഈ ദുശീലത്തില്‍ നിന്ന് മാറ്റാന്‍ മാതാപിതാക്കള്‍ ഏറെ ശ്രമിച്ചിരുന്നു. എന്നാല്‍ മകന്‍ ഇതില്‍ നിന്ന് പിന്മാറാന്‍ കൂട്ടാക്കിയിരുന്നില്ല. പുകവലി ശീലമാക്കിയതോടെ കുട്ടിയുടെ സ്വഭാവത്തിലും പ്രകടമായ മാറ്റങ്ങളുണ്ടായെന്നും പഠനത്തിൽ ശ്രദ്ധ ചെലുത്തുന്നില്ലായിരുന്നുവെന്നും ലോകേന്ദറിന്‍റെ അച്ഛൻ മാധ്യമങ്ങളോട് പറഞ്ഞു. കുട്ടിക്ക് തോക്ക് എവിടെ നിന്നാണ് കിട്ടിയെന്ന് പരിശോധിച്ചുവരികയാണെന്ന് പോലീസ് അറിയിച്ചു. 2015ലെ കണക്ക് പ്രകാരം 64 കൗമാരക്കാരാണ് ലഹരിമരുന്നുകളുടെ അടിമയായി ജീവനൊടുക്കിയിരിക്കുന്നത്.

14 year old shoots self dead after being scolded by mother for smoking

A class VIII student allegedly shot himself dead with a country-made pistol after his mother scolded and slapped him for smoking.