പാകിസ്ഥാന്‍റെ വിജയം ആഘോഷിച്ച 15 പേര്‍ അറസ്‍റ്റില്‍

ഭോപ്പാല്‍: ഐസിസി ചാമ്പ്യന്‍സ് ട്രോഫിയില്‍ പാകിസ്ഥാന്‍റെ വിജയം ആഘോഷിച്ച 15 പേരെ മധ്യപ്രദേശിലെ ബുര്‍ഹന്‍പൂരില്‍നിന്ന് പോലീസ് അറസ്‍റ്റ് ചെയ്‍തു. ഇവര്‍ക്കെതിരെ രാജ്യദ്രോഹക്കുറ്റം ചുമത്തി കേസ് എടുത്തിട്ടുണ്ട്.

അറസ്‍റ്റിലായവര്‍ പാകിസ്ഥാന്‍ അനുകൂല മുദ്രാവാക്യം വിളിക്കുകയും വിജയത്തില്‍ ആഹ്ളാദം പ്രകടിപ്പിച്ച് പടക്കം പൊട്ടിക്കുകയും ചെയ്‍തെന്ന് പോലീസ് പറഞ്ഞു. തിങ്കളാഴ്‍ച വൈകുന്നേരമാണ് ഇവരെ അറസ്‍റ്റ് ചെയ്‍തത്. പിടിയിലായവരെ മജിസ്ട്രേറ്റിനു മുന്‍പില്‍ ഹാജരാക്കുമെന്ന് പോലീസ് അറിയിച്ചു.

ബുര്‍ഹന്‍പൂര്‍ ജില്ലാ ആസ്ഥാനത്തുനിന്ന് 24 കിലോമീറ്റര്‍ അകലെയുള്ള മൊഹാദിലാണ് സംഭവം നടന്നത്. ചാമ്പ്യന്‍സ് ട്രോഫി ഫൈനലില്‍ പാകിസ്ഥാന്‍ ഇന്ത്യയെ തോല്‍പ്പിച്ചതിനെത്തുടര്‍ന്ന് പാക് അനുകൂല മുദ്രാവാക്യം വിളിക്കുകയും പടക്കം പൊട്ടിക്കുകയും ചെയ്‍വരെക്കുറിച്ച് നാട്ടുകാരാണ് പരാതിപ്പെട്ടത്. തുടര്‍ന്ന് പോലീസ് അന്വേഷണം നടത്തുകയും സംഭവത്തില്‍ ഉള്‍പ്പെട്ട 15 പേരെ തിരിച്ചറിയുകയും ചെയ്‍തു. അതിനുശേഷമാണ് ഇവരെ അറസ്‍റ്റ് ചെയ്‍തത്.

ഇന്ത്യന്‍ ശിക്ഷാ നിയമത്തിലെ വകുപ്പ് 124എ പ്രകാരം രാജ്യദ്രോഹം, 120ബി പ്രകാരം കുറ്റകരമായ ഗൂഡാലോചന എന്നിവയ്ക്കാണ് കേസ് എടുത്തിട്ടുള്ളത്.

15 arrested for sedition in MP for celebrating Pakistan’s Champions Trophy victory

Police said sedition charges have been filed against the 15 people who were shouting pro-Pakistan slogans after the neighbouring country defeated India in the Champions Trophy finals.