സ്പായില്‍ പെണ്‍വാണിഭം; 15 പേര്‍ പിടിയില്‍

ഗുര്‍ഗാവ് : നഗരമധ്യത്തിലെ സ്പാ ഷോപ്പിൽ നടത്തിയ മിന്നല്‍ പരിശോധനയില്‍ പെണ്‍വാണിഭ സംഘം പിടിയിൽ. തായ്‍ലാൻഡിൽ നിന്നുള്ള അഞ്ച് വിദേശികളുള്‍പ്പെടെ 15 പേരാണ് പിടിയിലായിരിക്കുന്നത്. മണിപ്പൂരില്‍ നിന്നുള്ള അഞ്ചുസ്ത്രീകളും, ഉത്തര്‍പ്രദേശില്‍ നിന്നുള്ള ഒരാളുമാണ് പിടിയിലായ മറ്റുള്ളവര്‍. സംഘത്തില്‍ നാലു പുരുഷന്മാരുമുണ്ട്. പിടിയിലായവരില്‍ രണ്ടുപേര്‍ ഇടപാടുകാരാണ്.

സിറ്റി പോലീസ് കമ്മീഷ്ണര്‍ കെ കെ റാവുവിന്റെ നേതൃത്വത്തിലായിരുന്നു റെയ്ഡ് നടന്നത്. പിടിയിലായവര്‍ക്കെതിരെ എഫ് ഐ ആര്‍ രജിസ്റ്റര്‍ ചെയ്തതായി പോലീസ് അറിയിച്ചു. സ്പാ കേന്ദ്രത്തിന്റെ ഉടമയ്ക്കു നേരെ വ്യഭിചാരക്കുറ്റത്തിന് കേസ് എടുത്തിട്ടുണ്ട്. ഇയാള്‍ ഒളിവിലാണ്.