16കാരിയെ 65കാരൻ ഷെയ്ക്കിന് വിവാഹം ചെയ്‍തു നല്‍കി

ഹൈദരാബാദ്: പ്രായപൂര്‍ത്തിയാവാത്ത പെണ്‍കുട്ടിയെ പിതാവിന്‍റെ സഹോദരി വൃദ്ധന് വിവാഹം ചെയ്‍തുനല്‍കി. ഹൈദരാബാദിലെ നവാബ് സാഹേബ് കുന്ത സ്വദേശിയായ പതിനാറുകാരിയെ ആണ് ഒമാന്‍കാരനായ അഹമ്മദിന് (65) വിവാഹം ചെയ്‍തുകൊടുത്തത്.

മസ്ക്കറ്റിലുള്ള മകളെ തിരിച്ചെത്തിക്കണമെന്നാവശ്യപ്പെട്ട് അമ്മ സയീദ് ഉന്നീസ ബുധനാഴ്‍ച പോലീസില്‍ പരാതി നല്‍കി. ഭര്‍ത്താവിന്‍റെ സഹോദരി ഘൗസിയയും അവരുടെ ഭര്‍ത്താവ് സിക്കന്ദറും ചേര്‍ന്നാണ് മകളെ വിവാഹം ചെയ്‍തുകൊടുത്തതെന്ന് പരാതിയില്‍ ആരോപിച്ചു. റംസാനു മുന്നോടിയായി ഷെയ്‍ക്ക് ഹൈദരാബാദിലെത്തിയപ്പോളായിരുന്നു വിവാഹം.

താന്‍ വിവാഹത്തെ എതിര്‍ത്തെങ്കിലും സിക്കന്ദര്‍ ഒരു പുരോഹിതനെ കണ്ടെത്തി ഹോട്ടലില്‍വെച്ച് വിവാഹം നടത്തുകയായിരുന്നു എന്ന് സയീദ് ഉന്നീസ പറഞ്ഞു. 5 ലക്ഷം രൂപ സിക്കന്ദറിന് നല്‍കിയാണ് താന്‍ പെണ്‍കുട്ടിയെ വിവാഹംചെയ്‍തതെന്നും പണം തിരികെ ലഭിച്ചാല്‍ മാത്രമേ കുട്ടിയെ വിട്ടുനല്‍കൂ എന്നും ഷെയ്‍ക്ക് പറഞ്ഞതായി പരാതിയില്‍ പറയുന്നു. ഒമാനിലെ ആഡംബര ജീവിതത്തെക്കുറിച്ചുള്ള വീഡിയോകളും സിക്കന്ദര്‍ കുട്ടിയെ കാണിച്ചിരുന്നു.

വിവാഹത്തിനുശേഷം പെണ്‍കുട്ടിയുമായി ഏതാനും ദിവസം ഹോട്ടലില്‍ താമസിച്ച ഷെയ്‍ക്ക് ഒമാനിലേക്ക് മടങ്ങിപ്പോയി. പിന്നീട് വിസ അയച്ചുകൊടുത്ത് പെണ്‍കുട്ടിയെ ഒമാനിലേക്ക് കൊണ്ടുപോവുകയായിരുന്നു.

16-year-old Hyderabad girl married off to Oman Sheik in his 60s

The minor's mother lodged a complaint with police pleading the girl be brought back to India from Muscat.