മുംബൈയില്‍ നിയന്ത്രണം വിട്ട ട്രക്ക് ബാരിക്കേഡിലിടിച്ച് 18 മരണം

മുംബൈ: നിയന്ത്രണം വിട്ട ട്രക്ക് ബാരിക്കേഡിലിടിച്ച് 18 പേര്‍ മരിച്ചു. പുണെ-സതാര ഹൈവേയില്‍ ഖണ്ഡാലക്ക് സമീപത്താണ് അപകടം നടന്നത്. 15 ലധികം പേര്‍ക്ക് പരിക്കേറ്റു. പലരുടെയും നില ഗുരുതരമാണ്.

ചൊവ്വാഴ്ച പുലര്‍ച്ചെയാണ് അപകടമുണ്ടായത്. കര്‍ണാടക സ്വദേശികളായ നിര്‍മാണ തൊഴിലാളികളാണ് അപകടത്തില്‍പ്പെട്ടെതെന്നാണ് സൂചന. ബീജാപ്പൂരില്‍ നിന്ന് പൂനെയിലേക്ക് പോവുകയായിരുന്നു ഇവര്‍.

പരിക്കേറ്റവരെ സമീപത്തെ ആശുപത്രികളില്‍ പ്രവേശിപ്പിച്ചിരിക്കുകയാണ്. ഖണ്ഡാല തുരങ്കത്തിന് സമീപമുള്ള വളവില്‍ വെച്ച് ട്രക്ക് ഡ്രൈവര്‍ക്ക് നിയന്ത്രണം നഷ്ടപ്പെട്ടതാണ് അപകടത്തിന് കാരണം.