രണ്ടു മാസം പ്രായമുള്ള കുഞ്ഞിനെ 17 കാരനായ അച്ഛൻ കൊന്നു

ന്യൂഡൽഹി: ഭാര്യക്ക് മറ്റൊരു ബന്ധമുണ്ടെന്ന് സംശയിച്ച് 17 കാരൻ സ്വന്തം കുഞ്ഞിനെ ഇടിച്ചു കൊന്നു. രണ്ടു മാസം പ്രായമുള്ള കുഞ്ഞിനെയാണ് പ്രായപൂർത്തിയാകാത്ത അച്ഛൻ ഇടിച്ചു കൊന്നത്. കുഞ്ഞിന്റെ പിതാവ് മറ്റൊരു ആണെന്ന സംശയമാണ് കൊലപാതകത്തിലേക്ക് നയിച്ചത്.

കുഞ്ഞിന്റെ അമ്മയും പ്രായപൂർത്തിയാകാത്ത പെൺകുട്ടിയാണ്. സംഭവസമയത്ത് പെൺകുട്ടി ജോലി അന്വേഷിച്ച് പുറത്ത് പോയിരിക്കുകയായിരുന്നു. തിരികെ എത്തിയപ്പോൾ അനക്കമില്ലാതെ കിടക്കുന്ന കുഞ്ഞിനെയാണ് പെൺകുട്ടി കണ്ടത്. ഭാര്യക്ക് മറ്റേതോ പുരുഷനുമായി ബന്ധമുണ്ടെന്ന സംശയമുണ്ടായിരുന്നതായി കൗമാരക്കാരൻ പോലീസിനോട് പറഞ്ഞു. ഇയാൾക്കെതിരെ മൊബൈൽ ഫോൺ മോഷണക്കേസും മറ്റും നിലവിലുണ്ട്.