ദുർമന്ത്രവാദത്തിനായി പെൺകുഞ്ഞിനെ ബലികൊടുത്തു

ക‍ർണാടകയിലെ യാദി‍ർ ജില്ലയിൽ ബ്ലാക് മാജികിനായി പെൺകുട്ടിയെ ബലി കൊടുത്തു. 18 മാസം പ്രായമുള്ള അമൃത എന്ന പെൺകുട്ടിയെയാണ് ബലി കൊടുത്തത്. നിധി കണ്ടെത്താനാണ് ഇങ്ങനെ ചെയതതെന്ന് പോലീസ് ഉദ്യോഗസ്ഥ‍‍ർ പറഞ്ഞു. പെൺകുട്ടിയുടെ മൃതദേഹം കിണറ്റിൽ നിന്നാണ് കണ്ടെടുത്തത്. യാദ്ഗി‍ർ ജില്ലയിലെ ഷാഹാൻപൂ‍ർ താലൂക്കിലാണ് സംഭവം.

മുഖം തിരിച്ചറിയാനാകാത്ത ഒരാളാണ് അമ്മയുടെ അടുത്ത് ഉറങ്ങികിടക്കുന്ന പെൺകുട്ടിയെ തട്ടിക്കൊണ്ടു പോയത്. വീട്ടുകാ‍ർ ഉണ‍ർന്ന് അന്വേഷിച്ചപ്പോൾ കുങ്കുമവും മഞ്ഞളുമടക്കം ആഭിചാരക‍ർമ്മത്തിന് ഉപയോഗിക്കുന്ന വസ്തുക്കൾ വീടിന് വെളിയിൽ കണ്ടുെവന്നും, മൃതദേഹം കിണറ്റിൽ ഉപേക്ഷിച്ച നിലയിൽ കണ്ടെത്തിയതായും പോലീസ് പറഞ്ഞു. മകൾ ദുർമന്ത്രവാദത്തിന് ഇരയാവുകയായിരുന്നെന്ന് പെൺകുട്ടിയുടെ അച്ഛൻ ബസവലിംഗ സ്വാമി പറഞ്ഞു. ജില്ലാ പോലീസ് ഉദ്യോഗസ്ഥൻ സ്ഥലം സന്ദ‍ർശിച്ചു.