ഡല്‍ഹിയില്‍ കസാഖ് യുവതിയെ പീഡിപ്പിച്ചു: 2 പേര്‍ അറസ്റ്റില്‍

ന്യുഡല്‍ഹി: ഡല്‍ഹിയില്‍ കസാഖിസ്താന്‍ സ്വദേശിയായ യുവതിയെ പീഡിപ്പിച്ച കേസില്‍ 2 പേര്‍ അറസ്റ്റില്‍. ഭര്‍ത്താവിന്‍റെ സുഹൃത്തുക്കള്‍ ചേര്‍ന്നാണ് യുവതിയെ പീഡിപ്പിച്ചത്. ഡല്‍ഹിയിലെ മാല്‍വിയ നഗറില്‍ താമസിക്കുന്ന യുവതിയാണ് പീഡനത്തിനിരയായത്.

യുവതിയുടെ പരാതിയെ തുടര്‍ന്ന് ജംഷദ് ഖാന്‍, സര്‍മാല്‍ ഖാന്‍ എന്നിവരെ അറസ്റ്റ് ചെയ്തു.കഴിഞ്ഞ ഞായറാഴ്ച യുവതിയുടെ വീട്ടില്‍ ഭര്‍ത്താവില്ലെന്ന് മനസിലാക്കിയ ഇവര്‍ വീട്ടിലെത്തി യുവതിയെ ആക്രമിക്കുകയായിരുന്നുവെന്ന് പോലീസ് പറഞ്ഞു.

കാശ്മീരി സ്വദേശിയായ യുവാവിനെ വിവാഹം ചെയ്ത യുവതി അഞ്ചു വര്‍ഷം മുന്‍പാണ് ഡല്‍ഹിയിലെത്തുന്നത്.