ആന്ധ്രാപ്രദേശ് സൂപ്പര്‍ഫാസ്റ്റ് എക്സ്പ്രസില്‍ തീപ്പിടിത്തം

ഗ്വാളിയോര്‍: ആന്ധ്രാപ്രദേശ് എസി സൂപ്പര്‍ഫാസ്റ്റ് എക്സ്പ്രസ് ട്രെയിനിന്‍റെ രണ്ടു കോച്ചുകള്‍ക്ക് തീപിടിച്ചു. ഗ്വാളിയോറിനും മധ്യപ്രദേശിനും ഇടയില്‍ വച്ചായിരുന്നു അപകടം. ന്യൂഡല്‍ഹിയില്‍ നിന്നും വിശാഖപട്ടണം വരെ പോകുന്ന വണ്ടിയാണ് ഇത്.



ആര്‍ക്കും അപകടമൊന്നും പറ്റിയിട്ടില്ല എന്നതാണ് പ്രാഥമിക വിവരം. B6, B7 കോച്ചുകളിലാണ് അപകടം ഉണ്ടായത് എന്ന് അധികൃതര്‍ പറയുന്നു. വാതിലുകള്‍ക്കിടയില്‍ നിന്നും പുക ഉയരുകയായിരുന്നു. രാവിലെ 11.50 ഓടെ ഗ്വാളിയോറിലെ ബിര്‍ളാനഗര്‍ സ്റ്റേഷന് അടുത്ത് നിന്നാണ് തീ ശ്രദ്ധയില്‍പ്പെട്ടത്.