ന്യൂഡല്ഹി: നമീബിയയില് നിന്നും എത്തിച്ച ചീറ്റകള്ക്ക് കാവലായി ആനകളും. പ്രധാനമന്ത്രി നരേന്ദ്രമോദിയുടെ പിറന്നാള് ദിനത്തിലാണ് നമീബിയയില് നിന്നും എത്തിച്ച ചീറ്റകളെ മധ്യപ്രദേശിലെ കുനോ നാഷണല് പാര്ക്കിലേക്ക് തുറന്ന് വിട്ടത്. ചീറ്റകളുടെ സുരക്ഷയ്ക്കും പരിചരണത്തിനുമായി വിപുലമായ സംവിധാനങ്ങളാണ് സജ്ജീകരിച്ചിരിക്കുന്നത്. ചീറ്റകള്ക്ക് സുരക്ഷയൊരുക്കാനായാണ് 2 ആനകളെയാണ് ഇറക്കിയിരിക്കുന്നത്.
നര്മദാപുരത്തെ സത്പുര ടൈഗര് റിസര്വില് നിന്നും എത്തിച്ച രണ്ട് ആനകളെയാണ് ചീറ്റപ്പുലികള്ക്ക് കാവല്ക്കാരായി നിയോഗിച്ചിരിക്കുന്നത്. ലക്ഷ്മി, സിദ്ധനാഥ് എന്നീ ആനകളെയാണ് കുനോ നാഷണല് പാര്ക്കില് എത്തിച്ചിരിക്കുന്നത്. ചീറ്റകള്ക്കായി തയ്യാറാക്കിയിരിക്കുന്ന പ്രത്യേക പ്രദേശത്ത് പ്രവേശിച്ച 4 പുള്ളിപ്പുലികളെ തുരത്താന് സഹായിച്ചത് ലക്ഷ്മിയും സിദ്ധനാഥുമായിരുന്നു. ചീറ്റകളെ നിരീക്ഷിക്കുന്നതിനൊപ്പം പാര്ക്കിലെ സുരക്ഷാ സംഘത്തോടൊപ്പം രണ്ട് ആനകളും രാപ്പകല് പട്രോളിംഗ് നടത്തുന്നുണ്ട്.
Read Latest National News and Malayalam News
നമിബിയയില് നിന്ന് എത്തിച്ച ചീറ്റപ്പുലികള് ഒരു മാസത്തോളം ക്വാറന്റൈനിലായിരിക്കും. ഇവിടേക്ക് മറ്റ് വന്യമൃഗങ്ങള് പ്രവേശിക്കാതിരിക്കാന് പ്രത്യേക നിരീക്ഷണം ആവശ്യമാണ്. കടുവകളുടെ രക്ഷാപ്രവര്ത്തനത്തിന് പ്രത്യേക പരിശീലനും നേടിയിട്ടുള്ള ആനയാണ് 30 വയസുള്ള സിദ്ധനാഥ്. സിദ്ധനാഥ് അല്പ്പം ദേഷ്യക്കാരനാണെന്നും 2010ല് 2 പാപ്പാന്മാരെ കൊലപ്പെടുത്തിയിട്ടുണ്ടെന്നും കുണോ നാഷണല് പാര്ക്ക് ഡിഎഫ്ഒ പ്രകാശ് കുമാര് വര്മ വ്യക്തമാക്കി. ശാന്ത സ്വഭാവിയാണ് ലക്ഷ്മി. ജംഗിള് സഫാരി, ജംഗിള് പട്രോളിംഗ്, രക്ഷാപ്രവര്ത്തനം എന്നിവയില് പ്രത്യേക പരിശീലനം നേടിയിട്ടുണ്ട്.