ഡൽഹിയിൽ മാസ്ക് ധരിച്ചില്ലെങ്കില്‍ പിഴ നാലിരട്ടി; 500 രൂപയിൽ നിന്നും 2,000 ആക്കി ഉയര്‍ത്തി കെജ്രിവാൾ

ന്യൂഡല്‍ഹി: കൊവിഡ് രോഗബാധ ക്രമാതീതമായി ഉയരുന്നതിന്റെ പശ്ചാത്തലത്തിൽ നിയമങ്ങള്‍ പാലിക്കാത്തവരുടെ പിഴത്തുക നാലിരട്ടിയാക്കി വര്‍ദ്ധിപ്പിച്ച് ഡൽഹി സര്‍ക്കാര്‍. മാസ്ക് ധരിക്കാത്തതിന് 500 രൂപയായിരുന്ന പിഴ 2,000 ആക്കി ഉയര്‍ത്തിയെന്ന് മുഖ്യമന്ത്രി അരവിന്ദ് കെജ്രിവാള്‍ അറിയിച്ചു.

Also Read : 'ട്രംപിന് തിരിച്ചടി'; യുഎഇക്ക് എഫ്-35 പോര്‍ വിമാനങ്ങള്‍ കൊടുക്കുന്നതിന് സെനറ്റര്‍മാരുടെ എതി‍ർപ്പ്

ഉച്ചകഴിഞ്ഞ് മുഖ്യമന്ത്രി അരവിന്ദ് കെജ്രിവാൾ നടത്തിയ വാർത്താസമ്മേളനത്തിലാണ് ഇക്കാര്യങ്ങള്‍ വ്യക്തമാക്കിയത്. ബുധനാഴ്ച 7,486 പുതിയ കേസുകളാണ് റിപ്പോര്‍ട്ട് ചെയ്തിരിക്കുന്നത്. ഇതോടെ രാജ്യതലസ്ഥാനത്തെ കൊവിഡ് രോഗബാധിതരുടെ എണ്ണം അഞ്ച് ലക്ഷം കടന്നു.

ഇത് രാഷ്ട്രീയത്തിന്റെ സമയമല്ല, അതിന് ഒരു ജീവിതകാലം മുഴുവൻ ഉണ്ട്. രാഷ്ട്രീയവും ആരോപണങ്ങളും ഞങ്ങൾ കുറച്ച് ദിവസത്തേക്ക് മാറ്റിവയ്ക്കണം. ജനങ്ങളെ സേവിക്കാനുള്ള സമയമാണിതെന്നും മുഖ്യമന്ത്രി സര്‍വ്വ കക്ഷിയോഗത്തിൽ പറഞ്ഞു.

എല്ലാവരും ഒന്നിച്ച് ജനങ്ങളെ സേവിക്കേണ്ട സമയമാണിതെന്നും എല്ലാ പാർട്ടികളും സമ്മതിച്ചുതായും മുഖ്യമന്ത്രി കെജ്രിവാൾ വ്യക്തമാക്കി.

Also Read : വരുന്നു 'ഹരിത വിപ്ലവം'; പത്ത് വർഷത്തിൽ ബ്രിട്ടണിൽ ഡീസൽ, പെട്രോൾ കാറുകൾ അപ്രത്യക്ഷമാകും!

ഡൽഹിയിലെ കൊവിഡ് സ്ഥിതി ചർച്ച ചെയ്യുന്നതിനായി ചേര്‍ന്ന സർവ്വ കക്ഷി യോഗത്തിന് ശേഷം നടത്തിയ വാർത്താസമ്മേളനത്തിലാണ് മുഖ്യമന്ത്രി അരവിന്ദ് കെജ്‌രിവാൾ ഇക്കാര്യം വ്യക്തമാക്കിയത്.

രോഗവ്യാപനം ഉയര്‍ന്ന പശ്ചാത്തലത്തിൽ പുതിയ ലോക് ഡൗണ്‍ ഉണ്ടാകില്ലെന്ന് നേരത്തെ തന്നെ കെജ്രിവാൾ വ്യക്തമാക്കിയിരുന്നു. പകരം ഹോട്ട്‌സ്‌പോട്ടുകളായി തെളിയിക്കുന്ന വിപണികൾ അടച്ചുപൂട്ടാൻ നിര്‍ദ്ദേശിക്കുകയും ചെയ്തിരുന്നു.