ഹൈദരാബാദ്: യുവ വെറ്ററിനറി ഡോക്ടറെ കൊലപ്പെടുത്തി കത്തിച്ചു. ബുധനാഴ്ച രാത്രിയാണ് സംഭവം. ഇന്ന് രാവിലെയാണ് യുവതിയുടെ മൃതദേഹം കണ്ടെത്തിയത്. സർക്കാർ ആശുപത്രിയിലെ ഡ്യൂട്ടി കഴിഞ്ഞ് വീട്ടിലേക്ക് മടങ്ങവെ ഷാഡ്നഗറിൽ വെച്ച് യുവതിയുടെ ഇരുചക്ര വാഹനത്തിന്റെ ടയർ പഞ്ചറായിരുന്നു. ടയർ നന്നാക്കിക്കൊടുക്കാമെന്ന് യുവതിയോട് ഒരാൾ പറഞ്ഞിരുന്നു. സഹോദരിയെ ഫോണിൽ വിളിച്ചാണ് യുവതി ഇക്കാര്യം അറിയിച്ചു. അപരിചിതരായ ആളുകളും ട്രക്കുകളും നിർത്തിയിട്ട സ്ഥലത്താണ് താനുള്ളതെന്നും ഭയമാകുന്നുവെന്നും യുവതി സഹോദരിയോട് പറഞ്ഞു.
Also read: 'കോൽക്കളി കേരളാ പോലീസ് ഒന്നാം സ്ഥാനം'; ലാത്തിയേറിൽ പോലീസിനെതിരെ രൂക്ഷ വിമർശനം
കുറച്ച് ദൂരം നടന്നാൽ ടോൾ ഗേറ്റിലെത്തുമെന്നും ഭയമുണ്ടെങ്കിൽ വാഹനം അവിടെവെച്ച് വരാനും സഹോദരി ഭവ്യ പറഞ്ഞു. കുറച്ചു സമയം കഴിഞ്ഞ് വിളിച്ചപ്പോൾ യുവതിയുടെ ഫോൺ ഓഫായിരുന്നു. വീട്ടിലെത്തേണ്ട സമയം ആയെങ്കിലും യുവതി മടങ്ങിയെത്തിയില്ല. തുടർന്നു നടത്തിയ തെരച്ചിലിലാണ് മൃതദേഹം കണ്ടെത്തിയത്.
കഴുത്തിൽ അണിഞ്ഞിരുന്ന ലോക്കറ്റ് തിരിച്ചറിഞ്ഞാണ് കൊല്ലപ്പെട്ട യുവതിയെ കുടുംബാംഗങ്ങൾ തിരിച്ചറിഞ്ഞത്. യുവതിയുടെ വാഹനം കാണാതായിട്ടുണ്ട്. കൊലയാളികളെ കണ്ടെത്തുന്നതിനായി 10 അന്വേഷണ സംഘത്തെ നിയമിച്ചിട്ടുണ്ട്.