പശു മോഷണം ആരോപിച്ച് ത്രിപുരയില്‍ യുവാവിനെ തല്ലിക്കൊന്നു

അഗര്‍ത്തല: പശുവിനെ മോഷ്ടിച്ചെന്ന് ആരോപിച്ച് ഒരു സംഘം ആള്‍ക്കാര്‍ ചേര്‍ന്ന് യുവാവിനെ തല്ലിക്കൊന്നു. മതിന്‍ മിയയെ (29) ആണ് ഒരു കൂട്ടം ആള്‍ക്കാര്‍ ചേര്‍ന്ന് തല്ലിക്കൊന്നത്. ത്രിപുരയിലെ ശിപാഹിജാല ജില്ലയിലാണ് സംഭവം.

Also Read: രാമക്ഷേത്രം പണിതാൽ കര്‍ഷക‍ ആത്മഹത്യ നിൽക്കുമോ? ബിജെപി തോറ്റതിൻ്റെ കാരണങ്ങൾ നിരത്തി ഹേമന്ത് സോറൻ

ഇന്ത്യ- ബംഗ്ലാദേശ് അതിര്‍ത്തിയില്‍ വച്ചാണ് പ്രദേശവാസികള്‍ യുവാവിനെ രണ്ട് പശുക്കളോടൊപ്പം പിടികൂടിയത്. പശുവിനെ മോഷ്ടിച്ചെന്ന് ആരോപിച്ച് യുവാവിനെ തല്ലിച്ചതയ്ക്കുകയായിരുന്നു. മേലഘാര്‍ ആശുപത്രിയില്‍ ഇയാളെ പ്രവേശിപ്പിച്ചെങ്കിലും മതിന്‍ മരിച്ചുവെന്ന് ഡിവിഷണല്‍ പോലീസ് ഓഫീസര്‍ സൗവിക് ദേയ് പറഞ്ഞു.

Also Read: കരുണാകരൻ അനുസ്മരണം: ഗവർണറെ പരിപാടിയിൽ നിന്നൊഴിവാക്കി കോൺഗ്രസ്

സംഭവത്തില്‍ യുവാവിന്റെ പിതാവ് രണ്ടു പേര്‍ക്കെതിരെ സോനപുര പോലീസ് സ്‌റ്റേഷനില്‍ പരാതി സമര്‍പ്പിച്ചിട്ടുണ്ട്. പോലീസ് എഫ്‌ഐആര്‍ ഫയല്‍ ചെയ്തു. വീട്ടില്‍ നിന്നും കന്നുകാലിയെ മോഷ്ടിച്ചെന്ന് ആരോപിച്ച് മറ്റൊരാള്‍ പരാതിപ്പെട്ടിട്ടുണ്ട്. മതിന്‍ ഇതിനു മുമ്പ് പശു മോഷണം നടത്തിയിട്ടുള്ളതായി പോലീസ് പറയുന്നു.