ഡൽഹിയിൽ വാൻ കയറിയിറങ്ങി മൂന്ന് ‌വയസുകാരൻ മരിച്ചു

ന്യൂഡൽഹി: ശരീരത്തിലൂടെ വാൻ കയറിയിറങ്ങി മൂന്ന് വയസുകാരൻ മരിച്ചു. ഡൽഹി സിവിൽ ലൈനിലെ അഭിരാൽ എന്ന കുട്ടിയാണ് മരിച്ചത്.

ഇന്ന് ഉച്ചക്ക് 2.30 ഓടെയാണ് സംഭവം. പ്ലേ സ്‌കൂളിൽ നിന്ന് ‌കുട്ടിയെ വീട്ടിലെത്തിച്ച വാൻ തിരിക്കാൻ വേണ്ടി പിന്നോട്ടെടുത്തപ്പോൾ കുട്ടി ചക്രങ്ങൾക്കിടയിൽ പെടുകയായിരുന്നെന്ന് പോലീസ് ‌പറഞ്ഞു.

അപകടം നടന്നയുടൻ കുട്ടിയെ ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല. വാൻ ഡ്രൈവർ രാഹുല്‍ കുമാറിനെ പോലീസ് അറസ്റ്റ് ചെയ്‌തു.