പഞ്ചാബില്‍ മൂന്നുവയസ്സുകാരി പീഡനത്തിനിരയായി

പട്യാല: പഞ്ചാബിലെ പാട്യാലയില്‍ മൂന്ന് വയസ്സുകാരിയെ ബലാത്സംഗം ചെയ്തു. ഗുരുതര പരിക്കേറ്റ കുട്ടിയെ ആശുപത്രിയില്‍ പ്രവേശിപ്പിച്ചിരിക്കുകയാണ്. കഠിനമായ വയറു വേദനയെടുത്ത് കരഞ്ഞ കുട്ടിയെ അമ്മ ആശുപത്രിയിലെത്തിച്ചപ്പോഴാണ് കുട്ടി ബലാത്സംഗത്തിനിരയായ വിവരം പുറത്തറിയുന്നത്.

സംഭവവുമായി ബന്ധപ്പെട്ട് സ്ഥലത്തെ ഭൂവുടമയെ പോലീസ് തിരയുകയാണ്. ഇയാള്‍ കുട്ടിയെ എടുത്തുകൊണ്ടു പോകുന്നുവെന്ന് മകന്‍ കണ്ടിരുന്നുവെന്ന് കുട്ടിയുടെ മാതാവ് പോലീസിനെ അറിയിച്ചു.

ഭൂവുടമ ഒളിവില്‍ പോയതായി പൊലീസ് ഇന്‍സ്‌പെകടര്‍ ദര്‍ശന്‍ സിംഗ് പറഞ്ഞു. അമ്മയുടെ പരാതിയില്‍ ഇയാള്‍ക്കെതിരെ പൊലീസ് കേസെടുത്ത് അന്വേഷണം ആരംഭിച്ചു. പോക്‌സോ നിയമപ്രകാരവും കേസെടുത്തിട്ടുണ്ട്.