രാജ്യത്ത് ഇരുപതിനായിരം കടന്ന് കൊവിഡ് കേസുകള്‍; 24 മണിക്കൂറിനിടെ 379 മരണം

ന്യൂഡല്‍ഹി: രാജ്യത്ത് ഇരുപതിനായിരം കടന്ന് കൊവിഡ് കേസുകള്‍. ഇതാദ്യമായാണ് രാജ്യത്ത് പ്രതിദിന കൊവിഡ് രോഗികള്‍ ഇരുപതിനായിരം കടക്കുന്നത്. 24 മണിക്കൂറിനിടെ കൊവിഡ്-19 സ്ഥിരീകരിച്ചത് 20,903 പേര്‍ക്കാണെന്ന് കേന്ദ്ര ആരോഗ്യമന്ത്രാലയം പുറത്തുവിട്ട റിപ്പോര്‍ട്ടില്‍ പറയുന്നു.

Also Read: കാൺപൂരിൽ എട്ട് പോലീസുകാരെ അക്രമികള്‍ വെടിവെച്ചു കൊന്നു


Also Read: പ്രതിദിനം ആദ്യമായി 2 ലക്ഷം കൊവിഡ് രോഗികള്‍; ലോകത്ത് കൊവിഡ് വ്യാപനം അതിവേഗം

ഇതോടെ ആകെ കൊവിഡ് രോഗികള്‍ 6,25,544 ആയി ഉയര്‍ന്നു. ഇന്നലെ മാത്രം 374 പേരാണ് കൊവിഡ് ബാധിച്ച് രാജ്യത്ത് മരിച്ചത്. ഇതോടെ ആകെ കൊവിഡ് ബാധിച്ച് മരിച്ചവര്‍ 18,213 ആയി. രാജ്യത്തെ ആകെ 6,25,544 കൊവിഡ് കേസുകളില്‍ 2,27,439 സജീവ കേസുകളാണുള്ളത്. 3,79,892 പേര്‍ രോഗമുക്തി നേടി.

Also Read: പ്രധാനമന്ത്രി ലഡാഖിൽ; സംയുക്തസേനാമേധാവിയ്ക്കൊപ്പം അപ്രതീക്ഷിത സന്ദര്‍ശനം

മഹാരാഷ്ട്രയില്‍ ആകെ കൊവിഡ് കേസുകള്‍ 1,86,626 ആയി. തമിഴ്‌നാട്ടില്‍ ആദ്യമായി പ്രതിദിന കൊവഡ് കേസുകള്‍ 4000 കടന്നു. 4343 പേര്‍ക്ക് കൊവിഡ് സ്ഥിരീകരിച്ചതോടെ ആകെ രോഗബാധിതരുടെ എണ്ണം ഒരു ലക്ഷത്തിനടുത്തെത്തി. ഡല്‍ഹിയില്‍ ഇന്നലെ 2373 പേര്‍ക്കാണ് കൊവിഡ് സ്ഥിരീകരിച്ചത്. കര്‍ണാടകയില്‍ 1502 പേര്‍ക്കാണ് കൊവിഡ് സ്ഥിരീകരിച്ചത്.