ബസ് അപകടം: നാല് മെഡിക്കൽ വിദ്യാർഥികൾ മരിച്ചു

ഹൈദരാബാദ്: ഹൈദരാബാദ് വിജയവാഡയിൽ കൊളേജ് വിദ്യാർഥികൾ സഞ്ചരിച്ച ബസ് മറിഞ്ഞ് നാല് വിദ്യാർഥികളും ഡ്രൈവറുമടക്കം അഞ്ച് പേർ മരിച്ചു. 31 പേർക്ക് പരിക്കേറ്റു. ഹൈദരാബാദിലെ ഒസ്മാനിയ മെഡിക്കൽ കൊളേജിൽ പഠിക്കുന്ന വിദ്യാർഥികളാണ് മരിച്ചത്. രണ്ട് വിദ്യാർഥികളുടെ നില അതീവ ഗുതുതരമാണെന്ന് ഡോക്ടർമാർ അറിയിച്ചു.

തിങ്കാളാഴ്ച രാത്രിയിലായിരുന്നു സംഭവം. വിജയവാഡയിൽ നടന്ന സ്‌പോർട്‌സ് ടൂർണമെന്റിൽ പങ്കെടുത്തതിനു ശേഷം 41 വിദ്യാർഥികളുമായി ഹൈദരാബാദിലേക്ക് മടങ്ങുകയായിരുന്ന ബസ് മരത്തിലിടിച്ച് മറയുകയായിരുന്നു. ഡ്രൈവർ മദ്യപിച്ചിരുന്നതായി ബസിലുണ്ടായിരുന്ന മറ്റ് വിദ്യാർഥികൾ പറഞ്ഞു.

പരുക്കേറ്റ വിദ്യാർഥികൾക്ക് മികച്ച ചികിത്സ നൽകാൻ തെലങ്കാന മുഖ്യമന്ത്രി കെ ചന്ദ്രശേഖര റാവു നിർദ്ദേശിച്ചിട്ടുണ്ട്.