ഡല്‍ഹിയില്‍ പ്ലാസ്റ്റിക് ഫാക്ടറിയില്‍ തീപ്പിടിത്തം

ന്യൂഡല്‍ഹി: ഡല്‍ഹിയില്‍ പ്ലാസ്റ്റിക് ഫാക്ടറിയില്‍ തീപിടിത്തം. ശ്രീനിവാസ്പുരിയിലെ പ്ലാസ്റ്റിക് ഫാക്ടറിയിലാണ് തീപിടിത്തമുണ്ടായത്. നാല് പേര്‍ക്ക് ഗുരുതരമായി പരിക്കേറ്റു. ഞായാഴ്ച രാത്രിയായിരുന്നു തീപ്പിടിത്തം. അപകടത്തില്‍ പരിക്കേറ്റവരെ സഫ്ദര്‍ ജംഗിലെ ആശുപത്രിയില്‍ പ്രവേശിപ്പിച്ചു.

അഗ്‌നിശമനസേനയുടെ മണിക്കൂറുകള്‍ നീണ്ടുനിന്ന പരിശ്രമങ്ങള്‍ക്കു ശേഷമാണ് തീ നിയന്ത്രണ വിധേയമാക്കിയത്. തീപിടിത്തത്തിന്റെ കാരണം വ്യക്തമല്ല. തീയണക്കാന്‍ 26 ഫയര്‍ എന്‍ജിനുകളാണ് സ്ഥലത്തെത്തിയത്.