ആരോഗ്യ പ്രവർത്തകരുടെ ശമ്പളം ഒരാഴ്ചയ്ക്കുള്ളിൽ നിൽകണമെന്ന് സുപ്രീംകോടതി

ന്യൂഡൽഹി: കൊവിഡ് പ്രതിരോധത്തിൽ ഏർപ്പെട്ടിരിക്കുന്ന ഡോക്ടർമാർ ഉൾപ്പെടെയുള്ള ആരോഗ്യ പ്രവർത്തകർക്ക് ഒരാഴ്ചയ്ക്കുള്ളിൽ ശമ്പളം നൽകണമെന്ന് സുപ്രീംകോടതി. കൊവിഡ് ഡ്യൂട്ടിക്ക് ശേഷം ആരോഗ്യ പ്രവർത്തകർ ക്വാറന്റൈനിൽ പോകുന്ന ദിവസങ്ങളിലെ ശമ്പളം വെട്ടിക്കുറയ്ക്കരുതെന്നും കോടതി ഉത്തരവിൽ പറയുന്നു. ജസ്റ്റിസ് അശോക് ഭൂഷൻ അധ്യക്ഷനായ ബെഞ്ചാണ് ഉത്തരവിട്ടിരിക്കുന്നത്.

Also Read: മെഹബൂബ സ്വതന്ത്രയല്ല; വീട്ടുതടങ്കൽ കാലാവധി മൂന്ന് മാസംകൂടി നീട്ടി

ആരോഗ്യപ്രവർത്തകരുടെ ക്വാറന്റൈൻ കാലാവധി ഡ്യൂട്ടിയായി തന്നെയാണ് പരിഗണിക്കേണ്ടത്. അവധിയായി കാണുന്നത് അംഗീകരിക്കാൻ കഴിയില്ല. കേസ് ഓഗസ്റ്റ് 10ന് വീണ്ടും പരിഗണിക്കും. യുദ്ധകാലത്ത് സൈനികരുടെ ശമ്പളം നിങ്ങൾ തടഞ്ഞുവെക്കുമോയെന്ന് കോടതി ചോദിച്ചു.

Also Read: പുരോഹിതന് കൊവിഡ് സ്ഥിരീകരണം, പിന്നാലെ വെള്ളപ്പൊക്കം; അയോധ്യയിലെ ഭൂമി പൂജ പ്രളയ ഭീഷണിയിൽ

പഞ്ചാബ്, ത്രിപുര, മഹാരാഷ്ട്ര, കർണ്ണാടക എന്നീ സംസ്ഥാനങ്ങളിലെ ആരോഗ്യ പ്രവർത്തകർക്ക് കൃത്യമായി ശമ്പളം ലഭിക്കുന്നില്ലെന്ന് സോളിസിറ്റർ ജനറൽ തുഷാർ മേത്ത ചൂണ്ടിക്കാണിച്ചതിന്റെ അടിസ്ഥാനത്തിലാണ് കോടതി വിഷയത്തിൽ ഇടപെട്ടിരിക്കുന്നത്.