നക്‌സല്‍ബാരി മേഖലയില്‍ നിന്ന് നാല് തീവ്രവാദികളെ അറസ്റ്റ് ചെയ്തു

കൊല്‍ക്കത്ത: പശ്ചിമബംഗാളിലെ നക്‌സല്‍ബാരി മേഖലയില്‍ നിന്ന് നാല് തീവ്രവാദികളെ അറസ്റ്റ് ചെയ്തു. ഗ്രേറ്റര്‍ കുച്ച്ബിഹാര്‍ ലിബറേഷന്‍ ഓര്‍ഗനൈസേഷന്‍ (ജിസിഎല്‍ഒ) എന്ന തീവ്രവാദി സംഘടനയിലെ അംഗങ്ങളായ നിര്‍മല്‍ റോയ്, കന്‍ണ്ടാരപ്പ ദാസ്, രത്തന്‍ അധികാരി, ദിപി പ്രസാദ് റോയ് എന്നിവരാണ് അറസ്റ്റിലായത്.

ക്രൈം ഇന്‍വെസ്റ്റിഗേഷന്‍ ഡിപ്പാര്‍ട്ട്‌മെന്റ് നടത്തിയ ഒാപ്പറേഷനിലൂടെയാണ് ഇവരെ പിടികൂടിയത്. ജിസിഎല്‍ഒ യെ കുറിച്ച് വിവരം ലഭിച്ചതിനെ തുടര്‍ന്ന് അന്വേഷണ സംഘം ഇവരെ രഹസ്യമായി പിന്തുടരുകയായിരുന്നു . അറസ്റ്റിലായവരില്‍ ഒരാളായ നിര്‍മല്‍ റോയിയാണ് ജിസിഎല്‍ഒയ്ക്ക് രൂപം നല്‍കിയത്

സായുധ സേനയുണ്ടാക്കി അതിലൂടെ ഗ്രേറ്റര്‍ കുച്ച്ബിഹാര്‍ സംസ്ഥാനം സ്ഥാപിക്കലായിരുന്നു ഇവരുടെ ലക്ഷ്യമെന്ന് സിലിഗുരി പോലീസ് വ്യക്തമാക്കി.