ഫീസ് വൈകി: 4 വയസ്സുകാരനെ സ്‍കൂളില്‍ പൂട്ടിയിട്ടു

ബുലന്ദ്ഷഹര്‍: ഫീസ് അടയ്‍ക്കാന്‍ വൈകിയതിന് നാലു വയസുകാരനെ സ്‍കൂള്‍ അധികൃതര്‍ മണിക്കൂറുകളോളം പൂട്ടിയിട്ടു. ഉത്തര്‍പ്രദേശിലെ ബുലന്ദ്ഷഹറിലുള്ള അശോക് പബ്ലിക് ആൻറ് സീനിയര്‍ സെക്കന്‍ഡറി സ്‍‍കൂളിലാണ് സംഭവം നടന്നത്.

മാതാപിതാക്കള്‍ ഫീസ് അടയ്‍ക്കുന്നതില്‍ വീഴ്‍ച വരുത്തിയതിന് അഭയ് സോളങ്കി എന്ന നഴ്‍സറി വിദ്യാര്‍ത്ഥിയെയാണ് വെള്ളിയാഴ്‍ച സ്‍കൂള്‍ അധികൃതര്‍ തടവിലാക്കിയത്. എല്ലാവരും സ്‍കൂളില്‍നിന്ന് പോയശേഷമായിരുന്നു നടപടി. കുട്ടിയെ കാണാതെ പരിഭ്രാന്തരായ മാതാപിതാക്കള്‍ സ്‍കൂളിലെത്തിയപ്പോളാണ് സംഭവം അറിഞ്ഞത്.

രക്ഷിതാക്കള്‍ എത്തി ഫീസ് നല്‍കിയശേഷം മാത്രമേ കുട്ടിയെ വിട്ടയയ്‍ക്കൂ എന്ന നിലപാടിലായിരുന്നു സ്‍കൂള്‍ അധികൃതര്‍. തങ്ങള്‍ കുട്ടിയെ പൂട്ടിയിട്ടതായി ഇവര്‍ മാതാപിതാക്കളോട് സമ്മതിക്കുകയും ചെയ്‍തു. പണം കണ്ടെത്താന്‍ താന്‍ ശ്രമിക്കുന്നുണ്ടെന്നും എത്രയും പെട്ടെന്ന് ഫീസ് അടയ്‍ക്കാമെന്നും അഭയിന്‍റെ കര്‍ഷഖനായ പിതാവ് സ്‍കൂള്‍ അധികൃതരോട് പറഞ്ഞു.

എന്നാല്‍ കുട്ടിയെ പൂട്ടിയിട്ടതായുള്ള വാര്‍ത്ത സ്‍കൂള്‍ അധികൃതര്‍ നിഷേധിച്ചു. അഭയിന് സ്‍കൂള്‍ ബസ്സില്‍ കയറാന്‍ പറ്റിയില്ലെന്നും തുടര്‍ന്ന് മാതാപിതാക്കളെ വിളിച്ചുവരുത്തി കുട്ടിയെ അവരുടെ കൂടെ വിട്ടയയ്‍ക്കുകയായിരുന്നെന്നുമാണ് അധികൃതരുടെ വിശദീകരണം. അഭയ് നിര്‍ധന കുടുംബത്തിലെ അംഗമാണെന്നും പാവപ്പെട്ട കുട്ടികളുടെ ഫീസ് തങ്ങള്‍ ഒഴിവാക്കിനല്‍കാറുണ്ടെന്നും അധികൃതര്‍ പറഞ്ഞു.

രക്ഷിതാക്കളുടെ പരാതിയില്‍ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്. എന്നാല്‍, പോലീസ് അന്വേഷണം ആരംഭിച്ചതോടെ സ്‍കൂളിന്‍റെ മാനേജരും പ്രിന്‍സിപ്പലും ഒളിവിലാണ്.

4-Year-Old Student 'Held Hostage' For Hours In UP School Over Delayed Fees

A four-year-old student was held hostage for hours at his school in Uttar Pradesh, allegedly because his parents had missed the deadline for paying the fee.