ഞെട്ടിച്ച് കേരളത്തിലെ കൊവിഡ് കണക്കുകൾ
സംസ്ഥാന ആരോഗ്യവകുപ്പ് ഞായറാഴ്ച പുറത്തുവിട്ട വാർത്താക്കുറിപ്പ് പ്രകാരം കേരളത്തിലെ കൊവിഡ് പോസിറ്റിവിറ്റി നിരക്ക് 19.67 ആണ്. 2,12,566 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. സംസ്ഥാനത്തെ വിവിധ ജില്ലകളിലായി 5,33,817 പേരാണ് ഇപ്പോള്‍ നിരീക്ഷണത്തിലുള്ളത്. ഇവരില്‍ 5,03,762 പേര്‍ വീട്/ഇന്‍സ്റ്റിറ്റിയൂഷണല്‍ ക്വാറന്റൈനിലും 30,055 പേര്‍ ആശുപത്രികളിലും നിരീക്ഷണത്തിലാണ്. 2666 പേരെയാണ് പുതുതായി ആശുപത്രിയില്‍ പ്രവേശിപ്പിച്ചത്. കഴിഞ്ഞ ദിവസങ്ങളിലുണ്ടായ 75 മരണങ്ങളാണ് കൊവിഡ് മൂലമാണെന്ന് ഇന്ന് സ്ഥിരീകരിച്ചത്. ഇതോടെ ആകെ മരണം 20,541 ആയി. സംസ്ഥാനത്ത് 37,73,754 പേരാണ് ഇതുവരെ കൊവിഡില്‍ നിന്നും മുക്തി നേടിയത്.
രാജ്യത്തെ പുതിയ കണക്കുകൾ
കേന്ദ്ര ആരോഗ്യ മന്ത്രാലയം ഇന്ന് രാവിലെ പുറത്തുവിട്ട കണക്കുകൾ പ്രകാരം കഴിഞ്ഞ 24 മണിക്കൂറിനിടെ രാജ്യത്ത് 42,909 പുതിയ കൊവിഡ് കേസുകളാണ് റിപ്പോർട്ട് ചെയ്തത്. 42,909 കൊവിഡ് കേസുകളിൽ 29,836 പേര്‍ക്ക് കൊവിഡ് കേസുകൾ കേരളത്തിൽ നിന്നുള്ളതാണ്. തൃശൂര്‍ 3965, കോഴിക്കോട് 3548, മലപ്പുറം 3190, എറണാകുളം 3178, പാലക്കാട് 2816, കൊല്ലം 2266, തിരുവനന്തപുരം 2150, കോട്ടയം 1830, കണ്ണൂര്‍ 1753, ആലപ്പുഴ 1498, പത്തനംതിട്ട 1178, വയനാട് 1002 ജില്ലകളിൽ ആയിരത്തിന് മുകളിലാണ് കൊവിഡ് കേസുകൾ.
ആശങ്കയായി കൊവിഡ് മരണങ്ങൾ
കഴിഞ്ഞ 24 മണിക്കൂറിനിടെ 380 കൊവിഡ് മരണങ്ങളാണ് രാജ്യത്ത് റിപ്പോർട്ട് ചെയ്തത്. ഇതോടെ കൊവിഡ് ബാധിച്ച് മരിച്ചവരുടെ ആകെ എണ്ണം 4,38,210 ആയി ഉയർന്നു. 380 കൊവിഡ് മരണങ്ങളിൽ 75 മരണങ്ങളും കേരളത്തിൽ നിന്നുള്ളതാണെന്ന് കേന്ദ്ര ആരോഗ്യ മന്ത്രാലയം വ്യക്തമാക്കുന്നുണ്ട്.
രോഗമുക്തി നേടിയവരുടെ വിവരങ്ങൾ
34,763 പേർ കൊവിഡ് മുക്തി നേടിയതായി കേന്ദ്ര ആരോഗ്യ മന്ത്രാലയം വ്യക്തമാക്കുന്നുണ്ട്. ഇതോടെ രാജ്യത്ത് കൊവിഡ് മുക്തി നേടിയവരുടെ ആകെ എണ്ണം 3,19,23,405 ആയി. വിവിധ സംസ്ഥാനങ്ങളിലായി 3,76,324 സജീവ കൊവിഡ് കേസുകൾ നിലവിലുണ്ട്. രാജ്യത്ത് ഇതുവരെ 63.43 കോടി ആളുകൾ വാക്സിൻ നൽകാനായെന്നും കേന്ദ്രം വ്യക്തമാക്കുന്നുണ്ട്. അതേസമയം, രാജ്യത്തെ പ്രതിവാര കൊവിഡ് കേസുകളിൽ 32 ശതമാനം വർധനയുണ്ടെന്ന് കണക്കുകൾ വ്യക്തമാക്കുന്നുണ്ട്. പുതിയ കൊവിഡ് കേസുകളിൽ മൂന്നിൽ രണ്ടും കേരളത്തിൽ നിന്നുള്ളതാണ്.