പരിശോധനകള്‍ മൂന്നിരട്ടിയാക്കും, സംസ്‌കാര മാനദണ്ഡം പുതുക്കും; ഡല്‍ഹിയില്‍ കേന്ദ്രം ഇടപെടുന്നു

ന്യൂഡല്‍ഹി: ഡല്‍ഹിയില്‍ കൊവിഡ് നിയന്ത്രിക്കാന്‍ കേന്ദ്ര സര്‍ക്കാര്‍ ഇടപെടുന്നു. ഇതിന്റെ ഭാഗമായി 500 റെയില്‍വെ കോച്ചുകള്‍ താല്‍ക്കാലിക ആശുപത്രികളാക്കും. മാത്രമല്ല, കൊവിഡ് പരിശോധനകള്‍ മൂന്നിരട്ടിയാക്കും. കേന്ദ്ര ആഭ്യന്തരമന്ത്രി അമിത് ഷാ വിളിച്ചു ചേര്‍ത്ത ഉന്നതതലയോഗത്തിലാണ് തീരുമാനം.

Also Read: ബോളിവുഡ് നടൻ സുശാന്ത് സിങ് മരിച്ച നിലയിൽ

കൊവിഡ് മഹാമാരി കൈകാര്യം ചെയ്യുന്നതില്‍ ഡല്‍ഹി ഉള്‍പ്പെടെ നിരവധി സംസ്ഥാനങ്ങലെ സുപ്രീം കോടതി രൂക്ഷമായി വിമര്‍ശിച്ചിരുന്നു. ഇതിനു പിന്നാലെയാണ് കേന്ദ്ര ഇടപെടല്‍.


'കേന്ദ്ര സര്‍ക്കാരുമായുള്ള വളരെയധികം ഫലപ്രദമായ ചര്‍ച്ച ആയിരുന്നു. നിരവധി പ്രധാന തീരുമാനങ്ങള്‍ക്ക് ധാരണയായി. നാം ഒരുമിച്ച് കൊറോണയോട് പോരാടും', ചര്‍ച്ചയ്ക്ക് ശേഷം മുഖ്യമന്ത്രി അരവിന്ദ് കെജ്രിവാള്‍ ട്വീറ്റ് ചെയ്തു.

Also Read: പരിശോധനകള്‍ മൂന്നിരട്ടിയാക്കും, സംസ്‌കാര മാനദണ്ഡം പുതുക്കും; ഡല്‍ഹിയില്‍ കേന്ദ്രം ഇടപെടുന്നു

നിലവില്‍ രാജ്യതലസ്ഥാനത്ത് 38,000 ത്തോളം കൊവിഡ് കേസുകളാണ് റിപ്പോര്‍ട്ട് ചെയ്തിട്ടുള്ളത്. ഈ സ്ഥിതി തുടരുകയാണെങ്കില്‍ ജൂലൈ അവസാനത്തോടെ ഡല്‍ഹിയിലെ കൊവിഡ് കണക്കുകള്‍ 5.5 ലക്ഷമായി കുതിക്കുമെന്ന് ഉപമുഖ്യമന്ത്രി മനിഷ് സിസോദിയ പറഞ്ഞു.