മുകേഷ് അംബാനിക്കും കുടുംബത്തിനും വധഭീഷണി, ഫോൺ വിളിച്ചത് 4 പ്രാവശ്യം, ഒരാൾ കസ്റ്റഡിയിൽ

മുംബൈ: റിലയന്‍സ് ഇന്‍ഡസ്ട്രീസ് ചെയര്‍മാന്‍ മുകേഷ് അംബാനിക്കും കുടുംബത്തിനെയും വധിക്കുമെന്ന് ഭീഷണി. സംഭവത്തിൽ മുംബൈ പോലീസ് അന്വേഷണം ആരംഭിച്ചു. 56കാരനായ വിഷ്ണു ഭോമിക്കിനെ പോലീസ് കസ്റ്റഡിയിലെടുത്തിട്ടുണ്ട്. മുംബൈയിലെ റിലയന്‍സ് ഫൗണ്ടേഷന്‍ ആശുപത്രിയിലേക്കാണ് ഭീഷണി സന്ദേശമെത്തിയത്.

Also Read: ഇന്ത്യൻ സ്വാതന്ത്ര്യസമരം പൂരക്കളി രൂപത്തിലും; ക്വിറ്റിന്ത്യാ സമരത്തെ അരങ്ങിൽ അവതരിപ്പിച്ച് 75 വിദ്യാർത്ഥികൾ

തിങ്കളാഴ്ച രാവിലെ പത്തരയോടെയാണ് റിലയന്‍സ് ഫൗണ്ടേഷന്‍ ആശുപത്രിയിലേക്ക് നാല് തവണയായി കോൾ വന്നത്. ഉടൻ തന്നെ ആശുപത്രി അധികൃതർ പോലീസിൽ വിവരം അറിയിക്കുകയായിരുന്നു. അംബാനിയേയും കുടുംബത്തേയും വധിക്കുമെന്നായിരുന്നു ഭീഷണി. ആശുപത്രിയിലേക്ക് വിളിച്ച ഫോൺ നമ്പർ കേന്ദ്രീകരിച്ചുള്ള അന്വേഷണത്തിലാണ് വിഷ്ണു ഭോമിക്കിനെ പിടികൂടിയിത്.

Also Read: കോൺക്രീറ്റ് മിക്സിങ് വാഹനം വീട്ടിലേക്ക് മറിഞ്ഞിട്ട് ദിവസം നാലായി; തിരിഞ്ഞുനോക്കാതെ ഉടമസ്ഥര്‍, ദുരിതം

കഴിഞ്ഞ വര്‍ഷം മുകേഷ് അംബാനിയുടെ വസതിയായ ആന്റിലയ്ക്ക് മുന്നില്‍ സ്‌ഫോടക വസ്തുക്കള്‍നിറച്ച കാര്‍ കണ്ടെത്തിയിരുന്നു. ഇതിന് പിന്നാലെയാണ് ഭീഷണി സന്ദേശവും എത്തിയിരിക്കുന്നത്. മുംബൈ പോലീസ് ഉദ്യോഗസ്ഥരായ സച്ചിന്‍ വാസെ അടക്കമുള്ള പത്ത് പേരായിരുന്നു സ്ഫോടക വസ്തുക്കൾ കണ്ടെത്തി കേസിലെ പ്രതികൾ. എന്നാൽ ഫോൺ വിളിച്ച് ഭീഷണിപ്പെടുത്തിയ വിഷ്ണു ഭോമിക്കിന് മാനസിക പ്രശ്നമുള്ളതായാണ് പോലീസിന്റെ പ്രാഥമിക കണ്ടെത്തൽ. പ്രതിയെ പോലീസ് ചോദ്യം ചെയ്ത വരികയാണ്.