തിമിരശസ്‌ത്രക്രിയ: ഹൈദരാബാദിൽ ഏഴുപേർക്ക് കാഴ്‌ച നഷ്‌ടപ്പെട്ടു

ഹൈദരാബാദ്: ഹൈദരാബാദിലെ സരോജിനി ദേവി കണ്ണാശുപത്രിയിൽ (SDEH) തിമിര ശസ്‌ത്രക്രിയക്കു വിധേയരായ 7 പേർക്ക് പൂർണ്ണമായി കാഴ്‌ച നഷ്‌ടപ്പെട്ടു. 50-നും 70-നും ഇടയിൽ പ്രായമുള്ള നാല് സ്‌ത്രീകൾക്കും മൂന്ന് പുരുഷൻമാർക്കുമാണ് കാഴ്‌ച നഷ്‌ടപ്പെട്ടത്.

ജൂൺ 30-ന് ശസ്‌ത്രക്രിയ കഴിഞ്ഞ ഇവർക്ക് ബുധനാഴ്‌ചയാണ് കാഴ്‌ച നഷ്‌ടപ്പെട്ട വിവരം അറിഞ്ഞത്.

ശസ്‌ത്രക്രിയക്കിടെ ഉപയോഗിച്ച സാലിൻ ലായനിയിൽ ബാക്‌ടീരിയകൾ ഉണ്ടായിരുന്നതായി ലാബ് പരിശോധനയിൽ കണ്ടെത്തിയിട്ടുണ്ട്. കണ്ണാശുപത്രിക്കെതിരെ ഐപിസി 338 വകുപ്പ് പ്രകാരം പോലീസ് കേസെടുത്തു. സംഭവത്തെ കുറിച്ച് അന്വേഷിക്കാൻ സംസ്ഥാന സർക്കാർ കമ്മിറ്റിയിയെ നിയോഗിച്ചിട്ടുണ്ട്.