നക്‌സല്‍ ആക്രമണം: ഏഴ് സി ആര്‍ പി എഫ് ജവാന്മാര്‍ കൊല്ലപ്പെട്ടു

റാഞ്ചി: ജാര്‍ഖണ്ഡിലെ ബൂഠാപഹാട് മേഖലയില്‍ നക്‌സലുകളുടെ ആക്രമണത്തില്‍ ഏഴ് സി ആര്‍ പി എഫ് ജവാന്മാര്‍ കൊല്ലപ്പെട്ടു. അഞ്ചു ജവാന്മാര്‍ക്ക് പരിക്കേറ്റു. ഇതില്‍ ഒരാളുടെ പരിക്ക് ഗുരുതരമാണ്.

ലത്തേഹാര്‍,ഗഡ്‌വാ ജില്ലകളിലെ അതിര്‍ത്തിയില്‍ ചൊവ്വാഴ്ച വൈകിട്ടോടെ ആയിരുന്നു നക്‌സലുകളുടെ ആക്രമണം. ബൂഠാപഹാട് വനമേഖലയില്‍നിന്ന് നക്‌സല്‍ വിരുദ്ധ ഓപ്പറേഷനു ശേഷം മടങ്ങുകയായിരുന്ന സി ആര്‍ പി എഫ് ജവാന്മാരുടെ വാഹനത്തിനു നേര്‍ക്ക് നക്‌സലുകള്‍ കുഴിബോംബ് ആക്രമണം നടത്തുകയായിരുന്നു.

കഴിഞ്ഞ നാലുദിവസമായി സി ആര്‍ പി എഫിന്റെ നേതൃത്വത്തില്‍ ജാര്‍ഖണ്ഡില്‍ നക്‌സല്‍ വിരുദ്ധ ഓപ്പറേഷന്‍ നടക്കുകയാണ്.