നടുറോഡിൽ കാര്‍ തടഞ്ഞുനിര്‍ത്തി തോക്കുചൂണ്ടി 70 ലക്ഷം കവര്‍ന്നു

ന്യഡൽഹി: നടുറോഡിൽ വ്യവസായിയുടെ കാര്‍ തടഞ്ഞുനിര്‍ത്തി അക്രമികള്‍ 70 ലക്ഷം രൂപ കവര്‍ന്നു. കാശിഷ് ബൻസാൽ എന്ന വ്യവസായിയുടെ പക്കൽ നിന്നാണ് ബൈക്കിലെത്തിയ അക്രമികള്‍ പണം കവര്‍ന്നത്. സംഭവത്തിന്‍റെ വീഡിയോ സമൂഹമാധ്യമങ്ങളിൽ പ്രചരിക്കുന്നുണ്ട്.

ഗുരഗ്രാമിലേയ്ക്ക് പോകുകയായിരുന്ന ഇയാളുടെ വാഹനം തടഞ്ഞു നിര്‍ത്തിയ സംഘത്തിലെ ഒരാള്‍ തോക്കു ചൂണ്ടുകയും മറ്റു രണ്ടുപേര്‍ ചേര്‍ന്ന് പണം കവരുകയുമായിരുന്നു. വ്യവസായി മോഷണം ചെറുക്കാൻ ശ്രമിച്ചെങ്കിലും അക്രമികള്‍ ഇയാളെ കീഴടക്കി.

വ്യവസായിയെ നേരിട്ട് പരിചയമുള്ളവരാണ് കവര്‍ച്ചയ്ക്ക് പിന്നിലെന്ന് പോലീസ് പറഞ്ഞു.