ഭോപ്പാൽ: മദ്യപിച്ചെത്തിയ പിതാവ് എട്ട് വയസുകാരിയെ ബലാത്സംഗം ചെയ്തു. മധ്യപ്രദേശിലെ നീമൂച്ചിലാണ് സംഭവം. ചൈൽഡ് ഹെൽപ്പ് ലൈനിൽ ലഭിച്ച അജ്ഞാത ഫോൺ സന്ദേശത്തിന്റെ അടിസ്ഥാനത്തിൽ നടത്തിയ അന്വേഷണത്തിലാണ് സംഭവം പുറത്തുവന്നത്.
മദ്യപിച്ച് എത്തിയ പിതാവ് കുട്ടിയെ ദിവസവും മർദ്ദിക്കാറുണ്ട് എന്നായിരുന്നു ഫോൺ സന്ദേശം. തുടർന്ന് രണ്ട് ദിവസത്തോളമെടുത്ത് നടത്തിയ അന്വേഷണത്തിനൊടുവിലാണ് പെൺകുട്ടിയുടെ വീട് കണ്ടെത്താൻ സാധിച്ചത്, ചീഫ് പോലീസ് സൂപ്രണ്ട് രാകേഷ് മോഹൻ ശുക്ല പറഞ്ഞു.
Also read: രാജ്യത്തെ ഏറ്റവും പ്രായം കുറഞ്ഞ ഐപിഎസ് ഓഫീസർ ഈ 22 കാരൻ
ചൈൽഡ് ലൈൻ നടത്തിയ കൗൺസിലിങ്ങിലാണ് പെൺകുട്ടി പിതാവ് തന്നെ പീഡിപ്പിക്കുന്ന വിവരം തുറന്നു പറഞ്ഞത്. തുടർന്നു നടത്തിയ വൈദ്യ പരിശോധനയിലാണ് പെൺകുട്ടി പീഡനത്തിനിരയായ വിവരം വ്യക്തമായത്.
പെൺകുട്ടിയുടെ പിതാവിനെതിരെ പോക്സോ വകുപ്പ് പ്രകാരം കേസ് ചുമത്തിയതായി പോലീസ് പറഞ്ഞു. കേസിൽ കോടതി പ്രത്യേക അന്വേഷണ സംഘത്തെ നിയമിച്ചിട്ടുണ്ട്.