അഭിനന്ദൻ വർത്തമാനെ രാജസ്ഥാനിലെ സൂറത്‌ഗറിൽ നിയമിച്ചു

ജയ്‌പൂർ: പാക് പിടിയിൽ നിന്ന് മോചിതനായി മടങ്ങിയെത്തിയ വിങ് കമാൻഡർ അഭിനന്ദൻ വർത്തമാൻ രാജസ്ഥാനിലെ സൂറത്‌ഗർ എയർ ഫോഴ്സ് ബേസിൽ നിയമിതനായി. കഴിഞ്ഞ ഫെബ്രുവരി 27 നാണ് ഇന്ത്യയുടെ വിങ് കമാൻഡർ അഭിനന്ദൻ വർത്തമാൻ പാകിസ്ഥാന്റെ പിടിയിലായത്. 60 മണിക്കൂർ തടവിൽ വെച്ച ശേഷമാണ് അഭിനന്ദനെ പാക് സൈന്യം ഇന്ത്യക്ക് വിട്ടു നൽകിയത്.

പാക് പിടിയിൽ നിന്ന് തിരികെയെത്തിയ അഭിനന്ദന്റെ ആദ്യ പോസ്റ്റിങ്ങാണിത്‌. ഇതിന് മുൻപ് രാജസ്ഥാനിലെ ബിക്കാനീറിൽ അഭിനന്ദൻ പ്രവർത്തിച്ചിട്ടുണ്ട്. സൂറത്‌ഗർ എയർ ഫോഴ്‌സ് ബേസിന് മിഗ് - 21 ബൈസൺ വിമാനമുണ്ടെങ്കിലും പ്രോട്ടോക്കോൾ പ്രകാരം അഭിനന്ദന് അത് പറത്താൻ കഴിയുമോ എന്ന് ഉറപ്പില്ല.

പാകിസ്ഥാന്റെ എഫ് - 16 യുദ്ധവിമാനം ആക്രമിച്ച ശേഷമാണ് അഭിനന്ദൻ പാക് പിടിയിലായത്. ഫെബ്രുവരി 27 ന് പാക് സൈന്യത്തിന്റെ പിടിയിലായ അഭിനന്ദനെ വിട്ടയച്ചത് മാർച്ച് ഒന്നിനാണ്. പരിക്കേറ്റ അഭിനന്ദൻ ചികിത്സക്കും ഡിബ്രീഫിങ്ങിനും വിഷമത്തിനും ശേഷമാണ് തിരികെ ജോലിയിൽ പ്രവേശിച്ചിരിക്കുന്നത്.