ഹിന്ദുസ്ഥാനി സംഗീതജ്ഞ കിഷോരി അമോങ്കര്‍ അന്തരിച്ചു

മുംബൈ: പ്രശസ്ത ഹിന്ദുസ്ഥാനി സംഗീതജ്ഞ കിഷോരി അമോങ്കര്‍ (84) അന്തരിച്ചു. മുംബൈയിലെ വസതിയില്‍ കഴിഞ്ഞ ദിവസം രാത്രി 9.30 നായിരുന്നു അന്ത്യം. വളരെ നാളുകളായി അസുഖ ബാധിതയായി കിടപ്പിലായിരുന്നു. ഇന്ത്യയിലെ ഹിന്ദുസ്ഥാനി സംഗീതശാഖയിലെ ഏറ്റവും മുതിര്‍ന്ന സംഗീതജ്ഞയെയാണ് കിഷോരി അമോങ്കറി ​ന്‍റെ മരണത്തോടെ നഷ്ടമായത്.

ജയ്പൂര്‍ ഖരാനയിലൂടെയാണ് അമോങ്കര്‍ പ്രശസ്തിയിലേക്കുയര്‍ന്നത്. ​ ഖരാനയില്‍ തന്‍റേതായ ഒരു ശൈലി കൊണ്ടുവരാനും അമോങ്കറിനു കഴിഞ്ഞു. ഹിന്ദുസ്ഥാനി സംഗീതജ്ഞയായിരുന്ന മഗുഭായ് കുര്‍ദിക്കറുടെ മകളായ കിഷോരി അമോങ്കര്‍ അമ്മയില്‍ നിന്ന് തന്നെയാണ് സംഗീതത്തിന്റെ ആദ്യപാഠങ്ങള്‍ അഭ്യസിച്ചത്.

ക്ലാസിക്കല്‍ ഖയാല്‍ , ഭജന്‍, ഭക്തിഗാനങ്ങള്‍ തുടങ്ങിയവയ്ക്കു പുറമേ ചലച്ചിത്ര ഗാനങ്ങളിലൂടെയും അവര്‍ ആരാധകരുടെ മനം കവര്‍ന്നു. 1987 ല്‍ പത്മഭൂഷണും 2002 ല്‍ പത്മവിഭൂഷണും നല്‍കി രാജ്യം അവരെ ആദരിച്ചു. 2010 ല്‍ സംഗീത നാടക അക്കാദമി ഫെലോഷിപ്പ് ലഭിച്ചു

Ace Hindustani classical vocalist Kishori Amonkar passes away

Renowned Hindustani classical vocalist Kishori Amonkar passed away here today after a brief illness. She was 84.