തൃപ്തി ദേശായി ഹാജിഅലി ദര്‍ഗയില്‍ പ്രവേശിച്ചു

ഭൂമാതാ ബ്രിഗേഡ് നേതാവായ തൃപ്തി ദേശായിയും സംഘവും സ്ത്രീകള്‍ക്ക് പ്രവേശനം നിഷേധിച്ച മുംബൈയിലെ മുസ്ലീം ദേവാലയമായ ഹാജിഅലി ദര്‍ഗയില്‍ പ്രവേശിച്ചു. . ദര്‍ഗയുടെ പ്രധാന ആരാധനാ സ്ഥലത്ത് ഇവര്‍ക്ക് പ്രവേശിക്കാനായില്ല. കനത്ത സുരക്ഷയിലായിരുന്നു തൃപ്തിയും സംഘവും രാവിലെ ആറ് മണിയോടെ ദര്‍ഗയില്‍ പ്രവേശിച്ചത് . കഴിഞ്ഞ മാസം ദര്‍ഗയില്‍ പ്രവേശിക്കാൻ അവര്‍ ശ്രമിച്ചിരുന്നെങ്കിലും പ്രദേശവാസികളുടെ കടുത്ത എതിര്‍പ്പിനെ തുടര്‍ന്ന് മാറ്റിവയ്ക്കുകയായിരുന്നു.

ലിംഗസമത്വത്തിനായുളള പോരാട്ടത്തിന്റെ വിജയമാണിതെന്നും അവര്‍ പ്രതികരിച്ചു. ഹാജി അലിദര്‍ഗയിലെ പ്രധാന പ്രാര്‍ത്ഥനാ മന്ദിരത്തില്‍ പ്രവേശിക്കുകയാണ് അടുത്ത ലക്ഷ്യമെന്നും തൃപ്തി അറിയിച്ചു. ദേവാലയങ്ങളില്‍ സ്ത്രീകള്‍ക്ക് പ്രവേശനം നിഷേധിക്കുന്നതിനെതിരെയാണ് തൃപ്തി ദേശായിയും അവരുടെ നേതൃത്വത്തിലുളള സംഘവും പ്രവര്‍ത്തിക്കുന്നത്.