'കോൺഗ്രസ് മാനസികവളർച്ചയില്ലാത്ത പാർട്ടി': ഇനി ആവർത്തിക്കില്ലെന്ന് ഖുശ്ബു

ന്യൂഡൽഹി: കോൺഗ്രസിനെതിരെ നടത്തിയ വിവാദ പരാമര്‍ശത്തിൽ മാപ്പ് ചോദിച്ച് അടുത്തിടെ പാ‍ര്‍ട്ടി വിട്ട് ബിജെപിയിൽ ചേര്‍ന്ന മുതിര്‍ന്ന നേതാവ് ഖുശ്ബു. 'കോൺഗ്രസ് 'മാനസിക വളര്‍ച്ചയില്ലാത്ത' പാര്‍ട്ടിയാണെന്ന് ഖുശ്ബു പരിഹസിച്ചെന്ന് ആരോപിച്ച് നിരവധി കോൺഗ്രസ് നേതാക്കള്‍ പരാതിയുമായി രംഗത്തെത്തിയതിനു പിന്നാലെയാണ് ഖുശ്ബുവിൻ്റെ വിശദീകരണം. ചില വാക്കുകള്‍ തെറ്റായി ഉപയോഗിച്ചതാണെന്നും ഇനി ആവര്‍ത്തിക്കില്ലെന്നും ഖുശ്ബു വ്യക്തമാക്കി.

ഖുശ്ബുവിൻ്റെ പരാമര്‍ശം വിവാദമായതോടെ തമിഴ്നാട്ടിൽ മാത്രം 30 പോലീസ് സ്റ്റേഷനുകളിലാണ് പരാതികള്‍ ലഭിച്ചത്. മുതിര്‍ന്ന കോൺഗ്രസ് നേതാവും പാര്‍ട്ടി വക്താവുമായ ഖുശ്ബു ഈ ആഴ്ച ആദ്യം പാര്‍ട്ടി വിട്ട് കോൺഗ്രസിൽ ചേര്‍ന്നതിനു പിന്നാലെയാണ് പുതിയ സംഭവവികാസങ്ങള്‍.

Also Read: വിദേശയാത്ര നടത്തിയിട്ടുണ്ടോ? ദുബായിൽ സ്കൂളിൽ പോകുന്നതിന് മുമ്പ് ഇക്കാര്യങ്ങൾ അറിഞ്ഞിരിക്കണം

മുൻപ് നരേന്ദ്ര മോദി സര്‍ക്കാരിൻ്റെ കടുത്ത വിമര്‍ശകയായിരുന്ന ഖുശ്ബു ബിജെപിയിൽ ചേര്‍ന്നതോടെ കോൺഗ്രസിനെതിരെ വൻ വിമര്‍ശനം അഴിച്ചു വിടകുയായിരുന്നു. കോൺഗ്രസിൽ "സത്യം പറയാൻ സ്വാതന്ത്ര്യമില്ലെ"ന്നും പാര്‍ട്ടിയ്ക്ക് "ബുദ്ധിയുള്ള വനിതകളെ വേണ്ടെന്നു"മയിരുന്നു ഖുശ്ബുവിൻ്റെ പരാമര്‍ശം. ചില നേതാക്കള്‍ തന്നെ പാര്‍ട്ടിയിൽ അടിച്ചമര്‍ത്തുകയായിരുന്നുവെന്നും ഖുശ്ബു ആരോപിച്ചു. ചെന്നൈ വിമാനത്താവളത്തിൽ വെച്ചായിരുന്നു ഈ പ്രതികരണം. ചില സംസ്ഥാന കോൺഗ്രസ് നേതാക്കളുടെ പ്രസ്താവനകള്‍ ചൂണ്ടിക്കാട്ടിയായിരുന്നു ഖുശ്ബു "മാനസികാവസ്ഥയില്ലാത്ത"തെന്ന പരാമര്‍ശനം നടത്തിയത്. താൻ കോൺഗ്രസിനോട് വിധേയപ്പെട്ടാണ് നിന്നതെന്നും എന്നാൽ പാര്‍ട്ടി തന്നെ ബഹുമാനിച്ചില്ലെന്നും ഖുശ്ബു ആരോപിച്ചു.

Also Read: സ്വര്‍ണക്കടത്ത് കേസ് പ്രതികള്‍ക്ക് ദാവൂദ് ഇബ്രാഹിമുമായി ബന്ധമെന്ന് എന്‍ഐഎ; മുഖ്യമന്ത്രിക്ക് എതിരെ പ്രതിപക്ഷം

അതേസമയം, ഖുശ്ബുവിൻ്റെ കൊഴിഞ്ഞുപോക്ക് പാര്‍ട്ടിയുടെ പ്രവര്‍ത്തനത്തെ ബാധിക്കില്ലെന്നാണ് കോൺഗ്രസിൻ്റെ വിലയിരുത്തൽ അടുത്ത വര്‍ഷം തമിഴ്നാട്ടിൽ നിയമസഭാ തെരഞ്ഞെടുപ്പ് നടക്കാനിരിക്കേയാണ് ഖുശ്ബു ബിജെപിയിൽ ചേരുന്നത്. "അവര്‍ക്ക് ബുദ്ധിയുള്ള സ്ത്രീയെ വേണ്ട. എന്നെ ഒരു നടി മാത്രമായി കണ്ടു എന്നത് കോൺഗ്രസിൻ്റെ വിലകുറഞ്ഞ ചിന്താഗതിയാണ് കാണിക്കുന്നത്." ബിജെപി ഓഫീസിൽ വെച്ചു നടത്തിയ വാര്‍ത്താ സമ്മേളനത്തിൽ ഖുശ്ബു ആരോപിച്ചു.