ഇതിഹാസ നടൻ സൗമിത്ര ചാറ്റർജി ഗുരുതരാവസ്ഥയിൽ; വിവരങ്ങൾ പങ്കുവച്ച് ആശുപത്രി അധികൃതർ

കൊൽക്കത്ത: കൊവിഡ്-19 സ്ഥിരീകരിച്ച് ആശുപത്രിയിൽ പ്രവേശിപ്പിച്ച ബംഗാൾ സിനിമയിലെ ഇതിഹാസ നടൻ സൗമിത്ര ചാറ്റർജി ഗുരുതരാവസ്ഥയിലെന്ന് മാധ്യമ റിപ്പോർട്ടുകൾ. ആശുപത്രി അധികൃതർ ഇന്ന് വൈകീട്ട് 4.30ന് പുറത്തിറക്കിയ മെഡിക്കൽ ബുള്ളറ്റിനിലാണ് താരത്തിൻ്റെ ആരോഗ്യനില മോശമാണെന്ന ആശുപത്രി വ്യക്തമാക്കിയത്.

Also read: 'ട്രംപിന് ഭ്രാന്താണെന്നൊന്നും ഞങ്ങൾ പറയില്ല'; ഒബാമയ്ക്ക് ഇന്ത്യയെക്കുറിച്ച് എന്തറിയാമെന്ന് ശിവസേന

ജീവൻ രക്ഷാ ഉപകരണങ്ങളുടെ സഹായത്തോടെ ചികിത്സയിൽ കഴിയുന്ന സൗമിത്ര ചാറ്റർജിയുടെ ആരോഗ്യനില ഗുരുതരമാണെന്ന് അദ്ദേഹത്തെ ചികിത്സിക്കുന്ന ഡോക്‌ടറെ ഉദ്ധരിച്ച് ഒരു ദേശീയ മാധ്യമം റിപ്പോർട്ട് ചെയ്‌തു.

'ജീവൻ രക്ഷാ ഉപകരണങ്ങളുടെ സഹായത്തോടെയാണ് അദ്ദേഹത്തിൻ്റെ ജീവൻ നിലനിർത്തുന്നത്. ആരോഗ്യനില മെച്ചപ്പെടാൻ 40 ദിവസത്തെ പോരാട്ടം മതിയാകില്ല. അത്ഭുതം സംഭവിക്കുകയാണ് ആവശ്യം' - എന്നും ഡോക്‌ടർ വ്യക്തമാക്കി.

Also Read: മഹാരാഷ്ട്രയിൽ ട്രാവലര്‍ നദിയിലേക്ക് മറിഞ്ഞ് വാഹനാപകടം; അഞ്ച് മലയാളികള്‍ മരിച്ചു

കൊവിഡ് പോസിറ്റീവ് സ്ഥിരീകരിച്ചതോടെ ഒക്‌ടോബർ ആറിനാണ് സൗമിത്ര ചാറ്റർജിയെ ആശുപത്രിയിൽ പ്രവേശിപ്പിച്ചത്. ആരോഗ്യനില മോശമായതോടെ തീവ്രപരിചരണ വിഭാഗത്തിലേക്ക് മാറ്റി. കൊവിഡ് മുക്തി നേടിയതോടെ ആരോഗ്യനില മെച്ചപ്പെട്ടെങ്കിലും അതിവേഗം അദ്ദേഹത്തിൻ്റെ ആരോഗ്യനില മോശമാകുകയായിരുന്നു.