'എന്റെ പുതിയ ലുക് കാണൂ'
ലൈംഗിക പീഡനത്തിനെതിരെ ശക്തമായ സന്ദേശം നൽകുന്ന ചിത്രങ്ങളാണ് ബിഡിത ബാഗ് പങ്കു വെച്ചിരിക്കുന്നത്. സമ്മതമില്ലാതെ ആണിന് സ്ത്രീയുടെ ശരീരത്തിൽ തൊടാൻ അധികാരമില്ലെന്ന് ബിഡിത പങ്കു വെച്ച ചിത്രങ്ങളുടെ ക്യാപ്ഷ്യനായി പറയുന്നു. എന്റെ പുതിയ ലുക് കാണൂ എന്ന് പറഞ്ഞുകൊണ്ടാണ് ചിത്രങ്ങൾ ആരംഭിക്കുന്നത്.
(Photo credit: instagram.com/biditabag)
'സമ്മതമില്ലാതെ സ്ത്രീയുടെ ശരീരത്തിൽ പുരുഷൻ തൊടരുത്'
പുരുഷന് 'സമ്മതം' എന്ന വാക്കിനെ കുറിച്ച് അറിയുക പോലുമില്ലെന്ന് ബിഡിത പരിഹാസരൂപേണ ഇൻസ്റ്റഗ്രാമിൽ കുറിച്ചു. എന്റെ ശക്തി എന്റെ അവകാശമാണെന്ന് പുരുഷൻ വിശ്വസിക്കുന്നു. സ്ത്രീയുടെ തെരഞ്ഞെടുപ്പിനെ പുരുഷൻ പരിഹസിച്ചിട്ടേയുള്ളുവെന്നും ബിഡിത ഇൻസ്റ്റയിൽ ചിത്രത്തിന്റെ ക്യാപ്ഷ്യനായി കുറിച്ചു.
(Photo credit: instagram.com/biditabag)
'വസ്ത്രം കീറി, രക്തം വാർന്ന്...നന്ദി പുരുഷന്'
രക്തം വാർന്ന് ഒഴുകുന്ന രീതിയിൽ ക്രൂരമായ ബലാൽസംഗം ചെയ്യപ്പെട്ട രീതിയിലുള്ള ചിത്രമാണ് രണ്ടാമതായി ബിഡിത പങ്കുവെച്ചിരിക്കുന്നത്. വസ്ത്രം വലിച്ചു കീറി രക്തം വാർന്ന നിലയിൽ ആക്രമണത്തിന് ഇരയായത് പോലെയാണ് ബിഡിത മേക്കോവർ നടത്തിയിരിക്കുന്നത്. ചിത്രത്തിനൊപ്പമുള്ള പ്ലക്കാർഡിൽ തന്റെ മേക്കപ്പിനും കോസ്‍റ്റ്യൂമിനും അനുവാദം ചോദിക്കുക തന്റെ സ്റ്റൈൽ അല്ലെന്ന് പറയുന്ന പുരുഷന് നൽകുന്നു എന്ന് എഴുതിയിരിക്കുന്നു.
(Photo credit: instagram.com/biditabag)
സ്ത്രീയുടെ ശരീരത്തെ ബഹുമാനിക്കാൻ പുരുഷൻ പഠിക്കണം
ബലാത്സംഗം തടയാൻ കഴിഞ്ഞില്ലെങ്കിൽ അത് ആസ്വദിക്കണം ധാരണയെ ചോദ്യം ചെയ്യണമെന്നും നടി ആവശ്യപ്പെടുന്നു. സ്ത്രീയുടെ അനുവാദമില്ലാതെ അവളുടെ ശരീരത്തെ ആക്രമിക്കുന്ന പുരുഷൻ പരമാവധി ഉപദ്രവിക്കുന്നു. ഒടുവിൽ അവൾ ആത്മാവില്ലാത്ത ശരീരമായി മാറുന്നുവെന്നും നടി ഇൻസ്റ്റഗ്രാമിൽ കുറിച്ചു. രക്തം വാർന്ന നിലയിലുള്ള സ്ത്രീയുടെ ചിത്രം അടുത്ത ദശാബ്ദത്തിൽ കാണണ്ട എങ്കിൽ സ്ത്രീയുടെ തീരുമാനങ്ങളെയും ശരീരത്തെയും ബഹുമാനിക്കാൻ പുരുഷന്മാരെ പഠിപ്പിക്കണം എന്ന ആശയം നടി മുന്നോട്ട് വെക്കുന്നു.
(Photo credit: instagram.com/biditabag)
അനുവാദം ചോദിക്കുന്നത് ഫാഷനാക്കൂ...
അനുവാദം ചോദിക്കുന്നത് ഫാഷനാക്കി മാറ്റൂ എന്നെഴുതിയ പ്ലക്കാർഡും ബിഡിത ബാഗ് ഉയർത്തുന്നു. ഫോട്ടോഷൂട്ട് ആശയം മുന്നോട്ട് വെച്ച ഫാഷൻ ഫോട്ടോഗ്രാഫർ സോംസർക്കാറിനും സഹായികളായിരുന്ന ഭാരത് ജാദവ്, മേക്കപ്പ് ആർട്ടിസ്റ്റായ രാജേഷ് ചൗഹാനും നന്ദിയറിയിച്ചതിനൊപ്പം ഫാഷൻ ലോകം ഇത്തരം സന്ദേശങ്ങൾ ചർച്ച ചെയ്യാൻ തയ്യാറാകണമെന്ന ആഹ്വാനവും നടി നൽകുന്നുണ്ട്.
(Photo credit: instagram.com/biditabag)
പുതുവത്സരം ആശംസിച്ച് ബിഡിത ബാഗ്
സ്ത്രീകൾക്കെതിരെയുള്ള ആക്രമണത്തെയും ബലാത്സംഗത്തെയും സമ്മതമില്ലാതെയുള്ള ലൈംഗികബന്ധത്തെയും ചോദ്യം ചെയ്‌തു കൊണ്ടുള്ള ഫോട്ടോ ഷൂട്ട് ഇതിനോടകം വലിയ ചർച്ചയായി കഴിഞ്ഞു. എല്ലാവർക്കും പുതുവത്സരം ആശംസിച്ചു കൊണ്ടാണ് ഫോട്ടോഷൂട്ട് അവസാനിക്കുന്നത്.
(Photo credit: instagram.com/biditabag)