നടി വസുന്ധരയ്‍ക്കെതിരെ ടാക്സി ഡ്രൈവ‍റുടെ കയ്യേറ്റശ്രമം

ബെംഗലുരു: ഗായികയും തമിഴ്, മലയാളം സിനിമകളിൽ ഒരുകാലത്ത് തിളങ്ങിയിരുന്ന നടിയുമായ വസുന്ധരാ ദാസിനെതിരെ ടാക്സി ഡ്രൈവറുടെ കയ്യേറ്റശ്രമം. നടുറോഡില്‍വച്ച് ടാക്സി ഡ്രൈവര്‍ അപമാനിച്ചതായാണ് ഇവർ പരാതി നൽകിയിരിക്കുന്നത്. ബെംഗലുരുവിലെ മല്ലേശ്വരത്ത് കഴിഞ്ഞ തിങ്കളാഴച്ച് വൈകിട്ട് 4.30നാണ് സംഭവം നടന്നത്.

ഇതുസംബന്ധിച്ച് താരം കഴിഞ്ഞദിവസമാണ് പോലീസിൽ പരാതി നല്‍കിയത്. ട്രാഫിക് സിഗ്നലില്‍ വച്ച് സിഗ്നല്‍ തെറ്റിച്ച് വണ്ടി ഓടിച്ചെന്ന് ആരോപിച്ചായിരുന്നു കയ്യേറ്റശ്രമമെന്നാണ് പരാതിയിൽ പറഞ്ഞിരിക്കുന്നത്. നടിയെ ടാക്സി ഡ്രൈവര്‍ പിന്തുടര്‍ന്ന് അസഭ്യം പറയുകയും കയ്യേറ്റം ചെയ്യാന്‍ ശ്രമിക്കുകയും ചെയ്യുകയായിരുന്നുവെന്നാണ് നടി പരാതി നൽകിയിരിക്കുന്നത്.

നടിയുടെ കാര്‍ തടഞ്ഞിട്ട് കയ്യേറ്റത്തിന് ശ്രമിക്കുകയും ലൈംഗികത കലര്‍ന്ന പരാമര്‍ശങ്ങള്‍ നടത്തിയെന്നുമാണ് നടി പോലീസിനോട് പറഞ്ഞിരിക്കുന്നത്. സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്. സംഭവത്തിനുശേഷം ഡ്രൈവർ ഒളിവിലാണെന്ന് പോലീസ് അറിയിച്ചതായാണ് കന്നഡ മാധ്യമങ്ങള്‍ റിപ്പോര്‍ട്ട് ചെയ്തിരിക്കുന്നത്