എന്‍ഡിടിവിക്ക് പിന്നാലെ രണ്ട് ചാനലുകള്‍ക്ക് കൂടി വിലക്ക്

ന്യൂഡല്‍ഹി: എന്‍ഡിടിവി ഇന്ത്യക്ക് പിന്നാലെ രണ്ട് ചാനലുകള്‍ക്കൂടി കേന്ദ്ര സര്‍ക്കാര്‍ നിരോധനം. അസമിലെ ന്യൂസ് ചാനലായ ന്യൂസ് ടൈം അസമിനും കെയര്‍ വേള്‍ഡ് ടിവിക്കുമാണ് നിരോധനം. ഡിപ്പിക്കപ്പെട്ട പ്രായപൂര്‍ത്തിയാകാത്ത പെണ്‍കുട്ടിയുടെ പേരും മേല്‍വിലാസവും വെളിപ്പെടുത്തിയതിന്റെ പേരിലാണ് നിരോധനം കൊണ്ടുവന്നത്. പേര്‍ വെളിപ്പെടുത്തിയതു വഴി മാനഹാനിയുണ്ടായതായി വിലയിരുത്തിയാണ് ചാനലുകള്‍ക്ക് സംപ്രേഷണം നിര്‍ത്തിവെക്കാന്‍ നിര്‍ദ്ദേശം വന്നിരിക്കുന്നത്.

ന്യൂസ് ടൈം അസമിന് ഒരു ദിവസത്തേക്കും കെയര്‍ വേള്‍ഡ് ടിവിക്ക് ഒരാഴ്ചത്തേക്കുമാണ് സംപ്രേഷണം നിര്‍ത്തിവെക്കാന്‍ തീരുമാനമായിരിക്കുന്നത്. പഠാന്‍കോട്ട് ഭീകരാക്രമണത്തില്‍ തന്ത്രപ്രധാന വിവരങ്ങള്‍ പുറത്തുവിട്ടതിനെച്ചൊല്ലി എന്‍ഡിടിവിക്ക് ഒരു ദിവസത്തേക്ക് സംപ്രേഷണം നിര്‍ത്തിവെക്കാന്‍ നേരത്തെ നിര്‍ദ്ദേശം നല്‍കിയിരുന്നു.



English Summary: After NDTV India, Assam channel to be taken off air for a day over 'violations'.