തക്കാളി വില കുറയുമ്പോള്‍ സവാള വില കുതിക്കുന്നു

മുംബൈ: രാജ്യത്ത് തക്കാളി വില കുറയുമ്പോള്‍ ഉള്ളിവില കുതിച്ചുയരുന്നു. മഴക്കുറവിനെ തുടര്‍ന്ന് ഉത്പ്പാദനം കുറഞ്ഞതാണ് വില കുത്തനെ കൂടാനുളള കാരണം. രണ്ടു ദിവസത്തിനിടെ സവാളവില ഇരട്ടിയായി. മഹാരാഷ്ട്രയിലെ നാസിക്കില്‍ ഏഷ്യയിലെ ഏറ്റവും വലിയ ഉള്ളി മൊത്തവിപണിയായ ചലാസല്‍ഗാവ് ചന്തയില്‍ കഴിഞ്ഞ ദിവസം ക്വിന്റലിന് 2,300 രുപയ്ക്കാണ് സവാള വിറ്റത്. വ്യാഴാഴ്ച വരെ 1,200 രൂപയ്ക്കായിരുന്നു വിറ്റിരുന്നത്.ചില്ലറവിപണിയിലും അതിന്റെ പ്രതിഫലനമുണ്ടാവും.​ ചില്ലറവിപണിയില്‍ സവാളയ്ക്ക് കിലോയ്ക്ക് 45 രൂപ വരെ ഇൗടാക്കുന്നുണ്ട്.

കഴിഞ്ഞ വര്‍ഷം ജൂലായ്, ഓഗസ്റ്റ് മാസങ്ങളില്‍ ക്വിന്റലിന് ശരാശരി 1,000 രൂപയായിരുന്നു വില. രാജ്യത്ത് ഏറ്റവുധികം ഉള്ളിയുത്പാദിപ്പിക്കുന്നത് മഹാരാഷ്ട്രയിലാണ്. രണ്ടാം സ്ഥാനത്ത് കര്‍ണാടകയും. ഇൗ സംസ്ഥാനങ്ങളില്‍ മഴക്കുറവിനെത്തുടര്‍ന്ന് ഉത്പാദനം തീരെ കുറഞ്ഞപ്പോള്‍ . രാജസ്ഥാനിലും ഗുജറാത്തിലും കനത്തമഴയില്‍ കൃഷി നശിച്ചു. ഇത് മുന്‍കൂട്ടിക്കണ്ട് വ്യാപാരികളും ചില കര്‍ഷകരും ഉള്ളി പൂഴ്ത്തിവെച്ചതും വിലവര്‍ധനയ്ക്ക് കാരണമായി.

കേന്ദ്ര കാര്‍ഷിക മന്ത്രാലയത്തിന്റെ കണക്കനുസരിച്ച് കഴിഞ്ഞ വര്‍ഷം 215.6 ലക്ഷം ടണ്‍ ഉള്ളിയാണ് രാജ്യത്ത് ഉത്പാദിപ്പിച്ചത്. ഇതിന്റെ 27.72 ശതമാനവും മഹാരാഷ്ട്രയിലാണു വിളഞ്ഞതെന്ന് അഗ്രിക്കള്‍ച്ചറല്‍ ആന്‍ഡ് പ്രൊസസ്ഡ് ഫുഡ് പ്രൊഡക്ട്സ് എക്‌സ്‌പോര്‍ട്ട് ഡെവലപ്മെന്റ് അതോറിറ്റി പറയുന്നു.


After tomato, onion prices has shot up

After tomatoes, now, the price of onions has shot up in the wholesale and retail market in the country