പനീര്‍ശെല്‍വം വീണ്ടും മുഖ്യമന്ത്രി സ്ഥാനത്തേയ്ക്ക്

ചെന്നൈ: തമിഴ്നാട് മുഖ്യമന്ത്രിയായി പനീർശെൽവം തിരിച്ചെത്തുമെന്ന് സൂചന. നിലവിലെ മുഖ്യമന്ത്രി എടപ്പാടി പളനിസ്വാമി എഐഎഡിഎംകെ ജനറല്‍ സെക്രട്ടറിയാകും. ശശികലയെയും ദിനകരനെയും മാറ്റി നിര്‍ത്തും. സർക്കാർ നില നിർത്താൻ ഏത് വിധത്തിലുള്ള ഒത്തുതീർപ്പിനും പളനിസ്വാമി തയാറാണെന്നാണ് സൂചന. മുന്‍ മന്ത്രിയും എംഎല്‍എയുമായ സെന്തില്‍ ബാലാജിയെയും ദക്ഷിണ തമിഴ്‌നാട്ടില്‍ നിന്നുള്ള മറ്റു ചിലരെയും മന്ത്രിസഭയില്‍ ഉള്‍പ്പെടുത്തുവാനും ധാരണയായതായി സൂചനയുണ്ട്.

അണ്ണാഡിഎംകെ(അമ്മ) വിഭാഗത്തിന് രണ്ടില ചിഹ്നം നിലനിര്‍ത്താന്‍ തെരഞ്ഞെടുപ്പു കമ്മീഷന്‍ പാനലിന് അമ്പതു കോടി രൂപ കൈക്കൂലി നല്‍കാന്‍ ശ്രമിച്ച കേസില്‍ ദിനകരനെതിരെ ദല്‍ഹി പോലീസ് നടപടികള്‍ ശക്തമാക്കിത്തുടങ്ങിയതോടെയാണ് ശശികല കുടുംബം പ്രതിരോധത്തിലായത്.


Panneerselvam might be back as chief minister